Memlekettik kirister komıteti jeke jáne zańdy tulǵalarǵa elektrondyq salyq tóleýshi retinde tirkelý kiltin berý prosedýrasyn toqtatty, dep habarlady komıtettiń baspasóz qyzmeti.
Endi qazaqstandyqtar Ulttyq kýálandyrýshy ortalyqtyń elektrondyq sıfrlyq qoltańbasyn «Elektrondy Úkimet» portalynan nemese turǵylyqty mekenjaıy boıynsha Halyqqa qyzmet kórsetý ortalyqtarynan alady. Al, buǵan deıin berilgen QM MKK elektrondyq salyq tóleýshi retinde tirkelý kilti jaramsyz dep tanylady, - delingen taratylǵan habarlamada.
Ulttyq kýálandyrýshy ortalyq jeke tulǵalarǵa, zańdy tulǵalarǵa, QR rezıdenti emes tulǵalarǵa elektrondyq sıfrlyq qoltańba men SSL tehnıkalyq sertıfıkatyn beredi. Aıta keteıik, elektrondyq sıfrlyq qoltańba barlyq memlekettik qyzmetkerlerge tabysy men múlki deklarasııasyn tapsyrý úshin qajet.
2020 jyldyń 1 qańtaryna deıin 619 295 zańdy jáne jeke tulǵada memlekettik kirister organdarynyń elektrondyq salyq tóleýshi retinde tirkelý kilti bolǵan.
ALMATY