Reseıdegi kásiporyndar Qazaqstandaǵy paıdalaný tóleminiń saldarynan shyǵynǵa ushyrap otyr degen aqparattar osyǵan deıin de jarııalanǵan bolatyn.
Eýrazııalyq ekonomıkalyq komıssııanyń keńesi (EEK) Qazaqstan Úkimetine EAEO elderiniń aýyl sharýashylyǵy tehnıkalaryn óndirýshilerdi kemsitetin zańǵa túzetýler engizýdi tapsyrdy. Qazaqstanǵa 2020 jyldyń 7 mamyryna deıin merzim berildi.
«Daýdyń sebebi Qazaqstannyń aýylsharýashylyq tehnıkasyn paıdalaný jarnasy boldy. Sonymen birge qujattaǵy tikeleı jáne sheteldik ınvestısııalardy tartý boıynsha keshendi sharalar josparyna engizilgen sheteldik kompanııalarǵa bul tólemdi tólemeýge múmkindik berdi», - dep túsindirdi EEK.
Komıssııa bul qujattyń arqasynda EAEO óndirýshileri osy jeńildikter túrinde artyqshylyqqa ıe bolǵan sheteldik áriptesterimen salystyrǵanda básekege qabiletsiz bolyp shyqty.
«Bul Odaq elderiniń óndirýshileri úshin qarjylyq shyǵyndarǵa alyp keldi. Máselen, reseılik taraptyń pikirinshe, aǵymdaǵy jyldyń 1 qańtarynan bastap reseılik kompanııalar 100 mıllıon rýbl shyǵynǵa ushyrady. Osyǵan baılanysty, EEK О́nerkásiptik saıasat departamenti barlyq taraptarmen keńesip, keıinnen Qazaqstan EAEO elderiniń ónerkásiptik kásiporyndarynyń aýylsharýashylyq tehnıkalaryn paıdalanǵany úshin tólemaqy alý kezinde múddelerin eskerýge kelisti», - dep qorytyndylady EEK.
Qazaqstan Reseıdi saýdadaǵy kedergiler úshin birneshe ret synǵa aldy. Sondaı-aq, «reseılik bólshek saýda jelilerinde qazaqstandyq taýarlarǵa jasyryn tyıym salyndy» degen aqparattar osyǵan deıin de aıtylyp kelgen.
Qazaqstanda EAEO-dan avtomobılder ákelýge qatysty belsendi daý-damaılar boldy. Bul 2020 jyldan bastap EAEO-ǵa kirgen kezde Armenııa men Qyrǵyzstan úshin ótpeli kezeńniń aıaqtalýymen tyńdy.
Nátıjesinde, atalǵan elderden avtomobılder ımportyna tómen kedendik stavkalar da toqtady.