Jańa da jaıly baǵyt

«Jolaýshylar tasyma­ly» AQ jolaýshylar poıyz­daryndaǵy qyzmet kórsetýdi jaqsartý jáne jańa baǵyttar ashý jónindegi jumystaryn odan ári jalǵastyrýda.

«Jolaýshylar tasyma­ly» AQ jolaýshylar poıyz­daryndaǵy qyzmet kórsetýdi jaqsartý jáne jańa baǵyttar ashý jónindegi jumystaryn odan ári jalǵastyrýda.

Osylaısha, ústimizdegi jyl­dyń 22 tamyzynda Asta­na vokzalynan Astana – Atyraý baǵytyndaǵy №19/20 «Atyraý» júrdek poıyzy attanatyn bolady. Ol biryńǵaı «Tulpar-Talgo» vagondarynan jasaqtalady.

Poıyz tórt kúnde bir ret júredi. Jolǵa ketetin ýaqyty Astanadan Atyraýǵa deıin 22 saǵat 57 mınýtty, al keıin qaraı 22 saǵat 15 mınýtty quraıdy. Poıyz quramynda 27 vagon bar, olardyń 22-si jolaýshylarǵa arnalǵan. Ol vagondardyń ekeýi «Grand» klasynda (eki oryndyq lıýks), ekeýi «Bıznes» klasynda (eki oryndyq) jáne 18 vagon «Týrıst» klasynda (tórt oryndyq ekonomklass), sonymen birge 3 tehnıkalyq, bir vagon-restoran jáne bir vagon-bar jolaýshylarǵa qyz­met kórsetedi. «Grand» kla­syndaǵy vagondardyń birinde múmkindikteri shekteýli jo­laý­shylarǵa arnalǵan kýpe qarastyrylǵan.

Osy oraıda vagondardyń «Jolaýshylar tasymaly» AQ-tyń jyljymaly quramyn jańartý jáne tehnıkalyq resýrsyn arttyrý baǵdarlamasy sheńberinde satyp alynǵanyn da aıta ketý kerek. Osyǵan sáıkes zaýyt bolashaqta, ıaǵnı 2014 jylǵa deıin 420 jolaýshylar vagonyn qurastyratyn bolady.

«Egemen-aqparat».