Egıpettegi qandy qaqtyǵystarǵa oraı Qazaqstan alańdaýshylyq bildirip otyr. Qazaqstan úshin Egıpet arab álemindegi jáne Afrıka qurlyǵyndaǵy mańyzdy syrtqy saıası áriptes bolyp tabylady. Sondaı-aq, elderimizdi tarıhı jáne rýhanı tamyrlar biriktiredi, dedi Syrtqy ister mınıstrligi baspasóz qyzmetiniń jetekshisi Nurjan Aıtmahanov jýrnalıstermen ótkizgen brıfıngte.
Egıpettegi qandy qaqtyǵystarǵa oraı Qazaqstan alańdaýshylyq bildirip otyr. Qazaqstan úshin Egıpet arab álemindegi jáne Afrıka qurlyǵyndaǵy mańyzdy syrtqy saıası áriptes bolyp tabylady. Sondaı-aq, elderimizdi tarıhı jáne rýhanı tamyrlar biriktiredi, dedi Syrtqy ister mınıstrligi baspasóz qyzmetiniń jetekshisi Nurjan Aıtmahanov jýrnalıstermen ótkizgen brıfıngte.
Qazaqstan Egıpettiń ýaqytsha úkimetin azamattyq beıbitshilik pen kelisimdi qamtamasyz etý úshin jáne eń jaqyn merzimde demokratııalyq saılaý ótkizý úshin shara qoldanýǵa shaqyrady. Egıpet Arab Respýblıkasyndaǵy ishki saıası ahýaldyń nasharlaýyna jáne iri qalalarda oryn alǵan qaqtyǵystarǵa oraı, Qazaqstan Respýblıkasynyń Syrtqy ister mınıstrligi qazaqstandyq azamattarǵa Kaırge, Aleksandrııaǵa, Sýeske, Lýksorǵa sapar jasaýdan qalys qalýdy usynady.
Qazaqstan Respýblıkasynyń Egıpettegi elshiligi atalǵan elde turyp jatqan qazaqstandyq azamattarmen, onyń ishinde stýdenttermen túsindirý jumystaryn júrgizip, eldiń ýaqytsha úkimeti ornatqan osy jyldyń 15 tamyzy men 14 qyrkúıegi aralyǵyndaǵy komendanttyq saǵatty qatań túrde ustanýdyń qajettiligin eskertedi. EAR-daǵy azamattardyń adamdar kóp shoǵyrlanǵan jerlerge barmaýyn qatań túrde suraıdy.
QR Egıpettegi elshiliginde, qajet bolǵan jaǵdaıda, der kezinde kómek kórsetý úshin dıplomattardyń demalys kúnderi kezekshiligi ornatylǵanyn habarlaımyz. Kezekshi telefondary – +20226132991, +20226132992, Konsýldyń telefony – +201153266437.
«Egemen-aqparat».