Shyǵys Qazaqstan oblysynyń Qatonqaraǵaı aýdanynda úzdiksiz jaýǵan jaýynnyń sońy taýdan jer jynystaryn syrǵytyp ańǵar jıekterin basyp qalýǵa aparyp soqtyrdy. Osy kóshkin kezinde aýdandaǵy Lıstvıaga jotasynyń jondarynan úsh myń tekshe metrge jýyq topyraq eńiske endeı jaıyldy.
Oblystaǵy bul tótenshe jaǵdaı jergilikti mańyzy bar Berel murajaıy baǵytyndaǵy Shubaraǵash aýyly tas jolynyń 77-shi shaqyrymynda oryn aldy. Jer qyrtysy kóshkininiń bir bóligi tek trassany ǵana emes, Sohatýshka ózeniniń ańǵaryn da basyp qaldy. Alaıda, aǵysy qatty taý sýy birazdan keıin bul úıindini ózimen birge eńiske aǵyzyp alyp ketti.
Oqıǵa bolǵan jerge shuǵyl qurylǵan aýdandyq komıssııa músheleri men avarııalyq jumystardy atqaratyn brıgada jedeldetip jetti. Komıssııanyń baıandaýynsha zardap shekkender joq.
Murat AITQOJA.