Taǵdyry Tobyl topyraǵynda toǵysqan júzden astam ult ókili qatysqan merekelik jıyn barysynda kópshilik qazaq halqynyń keńdigi men kishipeıildigin sýretteıtin teatrlandyrǵan qoıylymdy tamashalady. Aımaq basshysy Arhımed Muhambetov oblystyq Assambleıasynyń shırek ǵasyrlyq jumys nátıjeleri men jetistikterine toqtalyp, óńirdegi halyqtar dostyǵynyń myzǵymastyǵy týrasynda sóz qozǵady.
–Bıyl besinshi ret Alǵys aıtý kúnin atap ótip otyrmyz. Bul mereke búginde jalpyhalyqtyq sıpatqa ıe boldy. Alǵys aıtý kúni – ulttyq kodymyzdyń aıqyn dáleli. Qysyltaıań shaqta Qazaq jerin panalap kelgen túrli ult ókilderin jergilikti halyq ózekten teppedi. Kerisinshe, baýyryna tartyp, bar aýyrtpalyǵyn birge kóteristi. 30 jylǵa jýyq ýaqyt aralyǵynda Elbasynyń jetekshiligimen zaıyrly memleket qurý jolynda talaı sharýa atqaryldy. Atalmysh mereke qazaqtyń jomart jerine, darhan halqyna degen erekshe yqylas pen qurmettiń kórinisine aınaldy.
Memleket basshysynyń syndarly saıasatynyń arqasynda el ishinde ózara túsinistik pen baıandy yntymaq qalyptasty. Buǵan ózge ult ókilderi de aıtarlyqtaı úles qosyp keledi, - dedi óńir basshysy.
Qostanaı