Áleýmettik, ulttyq jáne dinı arazdyqty boldyrmaý, ekstremızmmen terrorızmge qarsy kúres búgin qoǵamdaǵy ózekti másele. Bul oraıda ótken jyly Túrkistan oblysynda polısııa qyzmetkerleri júrgizgen aýqymdy jumystardyńnátıjesinde ekstremıstik-terrorıstik sıpattaǵy 12 qylmys ashylǵan. Sondaı-aq dinı sıpattaǵy 16 ákimshilik quqyq buzýshylyq anyqtaldy.
Oblystyq Polısııa departamentiniń bastyǵy, general Qaırat Dálbekov halyqqa bergen esebinde osyndaı derekter keltirdi. О́tken jyly oblysta 164 162 sheteldik pen azamattyǵy joqtar ýaqytsha tirkelgen. Kóshi-qon zańnamasyn buzǵan azamattarǵa 27 mln 961 myń 221 teńge aıyppul salynyp, tolyǵymen óndirildi. Polısııa generaly, sondaı-aq óz esebinde bıyldan bastap engizilgen sheteldikterdiń tirkelý tártibine, búginde ózekti máselelerdiń biri sybaılas jemqorlyqqa qarsy kúres barysyna toqtaldy. «Sybaılastyq boıynsha jeke qurammen túsindirý jumystary jıi ótkizilip turady. Alaıda keıbir qyzmetkerlerimizdiń tártip pen zańdylyqty saqtamaýy jaǵynan birqatar máseleler oryn aldy. Máselen, sybaılas jemqorlyq boıynsha anyqtalǵan 12 polıseıdiń ústinen is qozǵaldy. Onyń ishinde Saıram APB Kóshi-qon qyzmeti bóliminiń bastyǵy Ǵabıt Darhanov óz laýazymyn asyra paıdalanyp, azamatshadan 50 myń teńge para alǵany úshin qylmystyq jaýapkershilikke tartyldy», dedi oblystyń bas polıseıi. Sonymen qatar, jaǵymsyz sebeptermen 40 qyzmetker jumystan shyǵarylsa, 510 qyzmetker jazalanǵan. Al 247 reıdtik is-shara nátıjesi boıynsha 202 qyzmetker ákimshilik jaýapkershilikke tartylypty.
О́z qyzmetin minsiz de adal atqaryp júrgen polıseıler de az emes. Bul oraıda general Q.Dálbekov qazyǵurttyq polıseıdiń bútin bir otbasyn asyraýshysyn sýısıd jasamaqshy bolǵan jerinen aman alyp qalǵanyn mysalǵa keltirdi. Kópirden sekirmekshi bolǵan jas kelinshektiń qutqarylýy, sýǵa batyp ómirimen qoshtaspaqshy bolǵan boıjetken qyz ben Jetisaıda oryn alǵan oqıǵa boıynsha polısııa qyzmetkerleriniń óz janyn táýekel ete otyryp, kómek qolyn sozǵanyn jáne erlik bilekte emes, júrekte ekenin atap ótti.
О́ńirde mal urlyǵy qylmysy 34,1%-ǵa kemigen. Alaıda Kentaý qalasy men Shardara aýdanynda kerisinshe mal urlyǵynyń óskeni baıqalady. Tártip saqshylary mal urlyǵyn jedel ashý maqsatynda «jalpy chat» ádisin qoldanýda. Iаǵnı, zańsyz tasymaldanǵan maldar polıseıler tarapynan anyqtalyp, beıne tirkegishterge, sýretke túsirilip, arnaıy chatqa jiberiledi. Mal urlyǵy týraly aryzdanyp kelgen azamattarǵa chattaǵy beınejazbalar men sýretter kórsetiledi. Búgingi tańda mundaı ádis óz nátıjesin berýde. Sondaı-aq polısııa generaly óńirde krımınogendik ahýal turaqty ekenin aıtty. «Máselen, respýblıka kóleminde on myń turǵynǵa shaqqandaǵy qylmys sany 128 bolsa, bizdiń oblysta kórsetkish 39-dy qurady. Iаǵnı 2 mıllıonnan astam halqy bar Túrkistan oblysy elimiz boıynsha eń qylmysy az oblystardyń qatarynda», dedi Qaırat Dálbekov.