Mysyrda «Musylman baýyrlar» qozǵalysynyń belsendileri Kaırdegi Ramzes alańyna jınalyp, dástúrli juma kúngi «kúshti kórsetý» rásimin jasaýǵa shaqyrdy. Bul týraly Reseıdiń NTV telearnasy habarlady
«Osyǵan qaraǵanda, mysyrlyq ereýilshiler eldegi qandy bulǵaqty toqtatýǵa asyǵa qoımaıtyn sııaqty. Bul joly eldiń burynǵy prezıdenti Mýhammed mýrsıdi túrmeden bosatýdy talap etýshi «Musylman baýyrlar» qozǵalysynyń músheleri jurtty jańa urys qımyldaryna shaqyryp otyrǵany belgili bolyp qaldy», - delingen onda.
Belsendiler Kaırdyń Ramzes alańyna jınalyp, óz kúshteriniń qanshalyqty áleýetti ekenin kóretpekshi. Sóıtip, bul kúndi «ashý tanytqan juma» retinde este qaldyrýǵa kúsh salýda.
Eske sala keteıik, Mysyrdaǵy jappaı tártipsizdikter men qaqtyǵystar 14 tamyzda áskerılerdiń Mýrsıdi qoldaýshy ıslamısterdiń – «Musylman baýyrlar» qozǵalysy qarsylyq kórsetýshi lagerin qýyp taratqanynan keıin bastaldy. Sol kúni, Densaýlyq saqtaý mınıstrliginiń málimeti boıynsha, 525 adam qaza taýyp, 4 myńǵa jýyq adam jaraqat aldy.
Sultan Bozaıǵyr.