Búgin Nur-Sultan qalasy, Nazarbaev ýnıversıtette Qazaq kuresi assosıasııasynyń Kongresi ótti. Halyqaralyq Qazaq kuresi federasııasy, Dúnıejúzilik qazaq kúresi federasııasy jáne Respýblıkalyq qazaq kúresi federasııasynyń birlesken Kongresinde sala mamandarynyń qoldaýymen Qazaq kuresi assosıasıasy quryldy. Qaýymdastyqtyń prezıdenti qyzmetine Kárim Qajymhanuly Másimov saılandy.
- Osynda jınalǵan barshamyzdyń negizgi maqsatymyz qazaq kúresin olımpıada oıyndarynyń qataryna kirgizý. Sol sebepti de búgin kóz aldaryńyzda Qazaq kúresi assosıasııasy quryldy. Assosııasııa óz kezeginde halyqaralyq uıymdarmen tyǵyz baılanys jasaı otyryp, qazaq kúresin Olımpıada baǵdarlamasyna engizý jolynda jumys jasaıdy, - dedi.
Sondaı-aq Kárim Qajymhanuly osy ýaqytqa deıin qazaq kúresi salasynda jumys jasap kelgen uıymdardyń bir qaýymdastyq aıasynda birigýin úlken jetistikke balady.
Kongreste Mádenıet jáne sport vıse-mınıstri E.Ramazanov, Halyqaralyq Qazaq kuresi federasııasynyń prezıdenti Q.Bozymbaev, Dúnıejúzilik qazaq kúresi federesııasynyń prezıdenti A.Shpekbaev, úsh dúrkin «Qazaqstan Barysy» B.Ystybaev, eki dúrkin «Álem Barysy» A.Nuǵymarov sóz sóıledi.
Qazaq kúresin álemdik arenada damytý maqsatynda atalǵan Assosıasııa Mádenıet jáne sport mınıstrligimen, Syrtqy ister mınıstrligimen, Ulttyq Olımpıada komıtetimen yntymaqtastyq týraly memorandýmǵa qol qoıdy.