Almaty oblysyndaǵy Aqsaı shatqalynda jappaı kisi óltirýshilik oryn alǵan oqıǵadan keıin arada týra bir jyl ýaqyt ótkende, ondaǵy qurbandardyń sany 13 bolǵany anyqtaldy. Sol kezde habar-osharsyz ketti dep eseptelgen Igor Zaharopýlo da qaza tapqan bolyp shyqty. Bul týraly KTK telearnasy habarlady.
Igor – sol qyrǵynda óltirilgen eger Panaıot Zaharopýlonyń balasy. Atalmysh egerdiń kelesi balasy Aleksandr osy jaıynda telearna jýrnalısterine aıtyp berdi. Onyń ózi de muny jaqynda bilgen sııaqty.
«Bizge bul týraly eshkim aıtqan joq. Sot bolǵanda da shaqyrylǵan joqpyz. Sonda ol óli dep eseptelipti. Muny biz endi estip otyrmyz. Bulary eshbir adamgershilikke jatapıdy», - dedi ol.
Shyn máninde Igor Zaharopýlonyń ne ólideı, ne tirideı denesin tapqan áli eshkim joq.
Eske sala keteıik, aqsaı shatqalyndaǵy oqıǵa 2012 jylǵy 12 tamyz kúni oryn aldy. Qylmyskerler 12 adamdy, sonyń ishinde brakonerlermen aıaýsyz kúresip júrgen belgili eger Panaıot Zaharopýlony, onyń áıeli men dostaryn malsha baýyzdap óltirgen. Sol kezde egerdiń balasy Igor iz-túzsiz joǵalyp ketken. Onyń taǵdyry qazirge deıin belgisiz. Oqıǵa bolǵan jerge jaqyn jerde onyń qırap qalǵan kóligi tabylǵan.
2013 jylǵy maýsym aıynda Qyrǵyzstanda osy oqıǵaǵa kúdiktiniń biri – radıkaldy dinı aǵymnyń múshesi Saıan Qaıyrov ustaldy. Keıinirek ol Qazaqstan jaǵyna tapsyryldy. Kelesi kúdikti Zaýrbek Botabaev qazir izdestirilý ústinde.
Sultan Bozaıǵyr.