Qazaqstan respýblıkasy Ishki ister mınıstrligi tapsyrmasymen uıymdastyrylǵan «Biz-Jeńistiń muragerimiz» atty taǵzym estafetasynan soń mańǵystaýlyq polıseıler Aqtaý qalasynyń turǵyny, 98 jastaǵy soǵys ardageri Qaıyr Qydyrbaevtyń úıine bardy. Bul týraly Mańǵystaý oblystyq Polısııa departamenti habarlady.
Qaıyr Qydyrbaev 1922 jyly 1 shildede dúnıege kelgen. Ol 1941-1945 jyldardaǵy ekinshidúnıejúzilik soǵys kezinde ekinshi Belarýs maıdanyna qatysty. Erligi úshin I dárejeli «Otan soǵysy» ordenimen, «Erligi úshin» medalimen marapattalǵan maıdanger.
Polıseıler ardager úıiniń aldynda sapqa turyp, qarııaǵa qurmet kórsetti. Soǵys jyldaryndaǵy ánder shyrqaldy.
-Polshany, Vengrııany, Iýgoslavııany fashısterden azat ettik. 3 ret jaraly boldym, eki ret kontýzııa aldym. Sonda da adam sanyn azaıtpaıyn dep qatardan qalmaı, áskermen birge júrip, Jeńiske qol jetkizdik.
1945 jyldyń 1-shi jeltoqsanynda soǵystan aman-esen kelip, aýylsharýashylyǵynda jumystandym. Búgingi kórsetip jatqan qurmetter úshin azamattarǵa alǵysym sheksiz. Ol azamattarǵa meniń jasymdy bersin. Elimiz aman, jurtymyz tynysh bolsyn! – dep batasyn berdi soǵys ardageri óz sózinde.