Kóktemniń basty merekesi – Naýryzdyń kelýine oraı Astanada 200-den astam túrli baǵyttaǵy is-shara men aksııa ótedi. Dástúr boıynsha Naýryznama merekelik onkúndiginiń ár kúni ulttyq qundylyqtar men belgili bir taqyrypqa arnalady, dep habarlaıdy Egemen.kz elorda ákimdiginiń resmı saıtyna silteme jasap.
Bıyl Naýryz merekesin atap ótýdiń ereksheligi – sıfrlyq tehnologııalar men jasandy ıntellekt quraldarynyń belsendi qoldanylýy bolmaq. Bul bastamalar Memleket basshysy jarııalaǵan Sıfrlandyrý jáne jasandy ıntellekt jyly aıasynda júzege asyrylyp jatyr.
Elordadaǵy merekelik alańdarda qala turǵyndary men qonaqtaryna robottarmen, jasandy ıntellekt múmkindikteriniń kórsetilimderimen jáne basqa da tehnologııalyq sheshimdermen jabdyqtalǵan zamanaýı ınteraktıvti aımaqtar usynylady. Qala turǵyndary zamanaýı tehnologııalardyń ulttyq dástúrlermen qalaı úılesetinin kórip, túrli sıfrlyq ári tanymdyq belsendilikterge qatysa alady.
«Naýryznamanyń» onkúndigi 14 naýryz kúni Kórisý kúni – Amal merekesin atap ótýden bastalady. Osy kúni elordalyq Dostyq úıinde «Uly Elimizdiń Kórisý kúni – Amal merekesi» atty is-shara ótedi. Aqsaqaldar keńesi men Analar keńesiniń ókilderi «Kórisý» rásimin ótkizip, amandasý men tatýlasýǵa baılanysty ulttyq dástúrlerdi kórsetedi, taǵylymdy ósıetterin aıtyp, bata beredi. Sondaı-aq Naýryzdy qazaq halqynyń kóne mádenı kody ári shynaıy dástúri retinde jan-jaqty zerdeleýge baǵyttalǵan ǵylymı-etnografııalyq konferensııa jáne «Naýryz jylnamasy» kórmesi uıymdastyrylady.
14 naýryz kúni saǵat 12:00-de «Atatúrik» saıabaǵynda elordanyń mádenıet qaıratkerleri men shyǵarmashylyq ujymdarynyń, bilim berý uıymdarynyń balalar ujymdarynyń jáne Qazaqstan halqy assambleıasynyń ulttyq mádenı ortalyqtary ujymdarynyń qatysýymen «Kórisý kúni – Amal merekesi» atty aýqymdy is-shara ótedi.
Jeke aımaq retinde zamanaýı AI alańy uıymdastyrylady. Munda kelýshiler jasandy ıntellekt kómegimen qazaqtyń ulttyq kıimindegi beınede jeke fotosýret jasap, daıyn sýretti QR-kod arqyly júkteı alady.
14 naýryz kúni saǵat 15:00-de «Han Shatyr» saýda-oıyn-saýyq ortalyǵynda sportshylar, qala turǵyndary men qonaqtary arasynda «Tartys Fest» sporttyq oıyndar festıvali ótedi. Baǵdarlamada arqan tartý, týrnıkke tartylý, qoı kóterý, sondaı-aq jasandy ıntellektke qarsy toǵyzqumalaq oıyny boıynsha jarystar uıymdastyrylady. 18 jastan asqan nıet bildirýshiler qatysa alady. Qatysý tegin. Tirkeý jarys bastalar aldynda sol jerde júrgiziledi.
Osy kúni «Rýhanııat» KMM «Amal keldi – jyl keldi» mádenı is-sharasyn uıymdastyrady. Baǵdarlamada Amal merekesiniń salttyq elementteri, halyqtyq dástúrler men folklor qamtylady.
Elorda mektepterinde «Kórisý – dástúri» atty amandasý festıvali ótedi.
Sol kúni saǵat 12:00-de Saryarqa aýdanyndaǵy «Qorǵaljyn» gúlzarynda sporttyq-shyǵarmashylyq is-shara uıymdastyrylady.
Ál-Farabı atyndaǵy Oqýshylar saraıynda 14-18 naýryz aralyǵynda halyq ertegileriniń jelisi boıynsha qoıylǵan «NAURYZ-2026» atty teatrlandyrylǵan merekelik qoıylym ótedi.
Sondaı-aq Astanada 14 jáne 15 naýryz kúnderi «Nauryz Sale» aýqymdy azyq-túlik jármeńkeleri ótedi. Jármeńkelerde jergilikti fermerler men Qazaqstannyń túrli óńirlerindegi óndirýshilerdiń ónimderi usynylady. Elorda turǵyndary men qonaqtary kókónis pen jemis-jıdek, et jáne sút ónimderi, shujyq ónimderi, un, nan-toqash ónimderi, tabıǵı shyryndar, tosap, bal jáne basqa da azyq-túlik taýarlaryn tıimdi baǵada satyp ala alady.
Jármeńkeler 14 jáne 15 naýryz kúnderi saǵat 10:00-den 18:00-ge deıin myna mekenjaılarda ótedi:• «Keryen Joly» SÚ (Alash tasjoly, 35B);• «Koktal» SÚ (N. Tilendıev dańǵyly, 12a);• «Evrazııa» SÚ (Q. Sátbaev kóshesi);• «Astanalyq bazar» SÚ (S. Seıfýllın kóshesi, 47);• «Damu Mall» SOO (sokol qabaty, J. Nájimedenov kóshesi, 26);• «Shapaǵat» bazary (Bógenbaı batyr dańǵyly, 69);• «Saýran» bazary (Almaty kóshesi, 3).
15 naýryz – Qaıyrymdylyq kúni
Osy kúni qala boıynsha «Ardagerlerdi ardaqtaıyq» aksııasy ótedi. Onyń aıasynda jalǵyzbasty zeınetkerlerge, ardagerlerge jáne muqtaj jandarǵa azyq-túlik sebetteri taratylady.
Esil aýdanyndaǵy saýda-oıyn-saýyq ortalyqtarynyń birinde «Tilek aǵashy – Armandar álemi» ornatylady. Aǵashta QR-kod ornalastyrylady: ony skanerleý arqyly demeýshiler Kámeletke tolmaǵandardy beıimdeý ortalyǵyndaǵy balalardyń tizimimen tanysa alady. Olardyń birin tańdap, balanyń armanyn oryndap, kópten kútken syılyǵyn tabystaýǵa múmkindik bar. Sonymen qatar bul aksııaǵa kez kelgen adam qatysyp, balalarǵa qýanysh syılaı alady. Bastama balalarǵa nazar, qamqorlyq jáne armandarynyń oryndalatynyna senim syılaýǵa baǵyttalǵan.
Osy kúni «Assambleıa jastary» RQB «Tazalyq estafetasy» qaıyrymdylyq aksııasyn uıymdastyrady. Belsendiler qart kisilerdiń úıleriniń aýlalaryn qardan tazartady.
Sondaı-aq elordalyq kásipkerlerdiń «On ıgi is» aksııasy ótedi.
«Izgilik izi» qaıyrymdylyq aksııasy aıasynda áleýmettik osal sanattaǵy balalarǵa elordanyń kórikti jerlerine ekskýrsııa uıymdastyrylady.
«Nurly júrek» ortalyǵynda konserttik baǵdarlama ótse, «Úmit» daǵdarys ortalyǵynda «Jaqsylyq jasaý – ıgi is» atty qaıyrymdylyq chellendji bastalady.
16 naýryz kúni «Naýryznama» onkúndigi aıasynda Mádenıet jáne ulttyq dástúrler kúni atap ótiledi.
Saǵat 17:00-de E.Rahmadıev atyndaǵy Memlekettik akademııalyq fılarmonııada «Mádenıet kúni – shynaıy dástúr keńistigi» atty merekelik is-shara ótedi.
Ulttyq akademııalyq kitaphanada «Ulttyq qundylyq – ulttyq bolmys» atty kitap kórmesi ashylady.
16-17 naýryz kúnderi «Jastar» saraıynyń konsert zalynda «Naýryz. Jaryq kúshi» atty teatrlandyrylǵan mýzykalyq qoıylym ótedi. Bastalý ýaqyttary: 10:00, 12:00 jáne 14:00.
Bul kúni memlekettik jáne qurylymdyq mekemeler arasynda dástúrli «Armysyń, áz Naýryz» baıqaýy ótedi.«Rýhanııat» KMM «Salt-dástúr – ult qazynasy» atty ashyq sabaq uıymdastyrady.
Saǵat 19:00-de Á.Mámbetov atyndaǵy Memlekettik drama jáne komedııa teatry «Jas Abaı» spektaklin usynady.16 naýryz kúni «Damu Mall» saýda-oıyn-saýyq ortalyǵynda Belsendi uzaq ómir súrý ortalyǵynyń zeınetkerleri daıyndaǵan ulttyq qolóner kórmesi ashylady.
Servıs jáne týrızm kolledjinde mektep oqýshylaryna ulttyq taǵamdar daıyndaý boıynsha sheberlik sabaǵy ótedi. Mektepke deıingi uıymdarda ulttyq oıý-órnekpen qysh buıymdaryn jasaý sheberlik sabaqtary uıymdastyrylady. №1 óner mektebinde «Naýryz – Ulystyń uly kúni!» konserti ótedi. Balalar kórkemsýret mektebinde «Týǵan jerim» atty sándik-qoldanbaly óner boıynsha XXII respýblıkalyq baıqaý uıymdastyrylady. №2 óner mektebinde «Dástúrim – asyl qazynam» is-sharasy ótedi. «Sharapat» áleýmettik qyzmet kórsetý ortalyǵynda aýdan zeınetkerleriniń ulttyq stıldegi qolóner kórmesi uıymdastyrylady. «Qamqor» arnaıy áleýmettik qyzmet kórsetý ortalyǵynda «Salt-dástúr – asyl qazyna» tanymdyq saǵaty ótedi.
16-22 naýryz aralyǵynda elordanyń turǵyn úı keshenderiniń aýlalarynda MIB-ter arasynda «Ulystyń uly kúninde...» baıqaýy ótkiziledi.
Osy kúni «Naýryz jylýy» aksııasy aıasynda «Astana jastary» eriktileri kommýnaldyq qyzmet mamandaryna shaı men baýyrsaq syılap, gúl shoqtaryn tabystaıdy.
17 naýryz – Shańyraq kúni
Bul kúni Mýzykalyq jas kórermen teatry «Baqytty shańyraq jyry» atty keshke shaqyrady. Onda otbasylyq juptar án aıtyp, óleń oqıdy.
J.Úshkempirov atyndaǵy Jekpe-jek saraıynda elordalyq mektep oqýshylary arasynda aýqymdy fleshmob jáne «Altyn asyq» oıyny uıymdastyrylady.
S.Seıfýllın atyndaǵy agrotehnıkalyq ýnıversıtet «Shańyraq qurý – dástúr jalǵasy» rásimin kórsetedi, L.N.Gýmılev atyndaǵy Eýrazııa ulttyq ýnıversıteti jas otbasylar arasynda «Otbasy – baqyt mekeni» ulttyq sport estafetasyn ótkizedi, al Ál-Farabı atyndaǵy Oqýshylar saraıy «Aq bata» baıqaýyn uıymdastyrady.
Shańyraq kúni elordada kópbalaly analarǵa «Kúmis alqa» jáne «Altyn alqa» tósbelgilerin tabystaý rásimi ótedi.Merekelik baǵdarlamada ulttyq úlgidegi besikterdi jańa týǵan sábılerge tabystaý, otbasylyq ómiriniń 50 jyldyǵyn atap ótken juptardy quttyqtaý jáne «Shańyraq – otbasynyń berekesi» chellendjin ótkizý josparlanǵan.
18 naýryz – Ulttyq kıim kúni
Bul kúni elordalyq sport kesheninde «Uly dala úni» shoý-mıýzıkli ótedi.
Saǵat 13:00-de E.Rahmadıev atyndaǵy Memlekettik akademııalyq fılarmonııada «Altyn áje» respýblıkalyq baıqaýy uıymdastyrylady.
«Han Shatyr» saýda-oıyn-saýyq ortalyǵynda qazaqstandyq dızaınerlerdiń ulttyq kıim toptamalary kórsetilip, Belsendi uzaq ómir súrý ortalyǵynyń jumystary tanystyrylady.
Ulttyq mýzeıde «Ulttyq kıim – ult beınesi» is-sharasy, al EXPO halyqaralyq kórme ortalyǵynda jáne «MEGA Silk Way» saýda-oıyn-saýyq ortalyǵynda «Qazaq halqynyń ulttyq kıimi – ulttyń bet-beınesi» atty teatrlandyrylǵan baǵdarlama ótedi.
Ulttyq kıim kúni aıasynda «Turandot» meıramhanasynda qonaqtarǵa ulttyq kıim kıgen robottar qyzmet kórsetedi.Qazaq ulttyq óner ýnıversıtetinde «Ulttyq kıim – ult aınasy» shyǵarmashylyq is-sharasy ótedi, «Damu Mall» saýda-oıyn-saýyq ortalyǵynda ulttyq kıim kórmesi uıymdastyrylady, Belsendi uzaq ómir súrý ortalyǵynda ulttyq kıim tigýden sheberlik sabaǵy ótkiziledi. Merekeniń qurmetine 18 naýryz kúni elordada «Ulttyq kıimdegi bir kún» chellendji bastalady.
19 naýryz – Jańarý kúni
Bul kúni Astanada kásipkerler «Jaýapty bıznes – jańarǵan qala» uranymen ǵımarattar men nysandardy tazalap, retke keltiredi.
№2 Kópsalaly qalalyq aýrýhanada jańa týǵan sábıdiń qurmetine otyrǵyzylatyn aǵashtyń ornalasqan jeri kórsetilgen QR-kody bar sertıfıkattardy tabystaý jáne jańa týǵan nárestelerge sıfrlyq besikterdi saltanatty túrde tapsyrý is-sharasy ótedi.
Sonymen qatar «Taza Qazaqstan» aksııasy aıasynda elordalyq turǵyn úı keshenderiniń aýlalarynda aýqymdy qar tazalaý jumysy júrgiziledi.
Balabaqshalarda, mektepterde jáne joǵary oqý oryndarynda «О́zińnen basta» tazalyq chellendji bastalady.
Jańarý kúni aıasynda aýdan mektepteriniń oqýshylary vırtýaldy kózildirikter arqyly bolashaq mamandyqtarmen tanysady.
20 naýryz – Ulttyq sport kúni
Pedagogıkalyq kolledjde stýdentter arasynda gir kóterý, arqan tartý jáne qol kúresi boıynsha ulttyq sport túrlerinen jarystar ótedi. «Arǵymaq» at sporty kesheninde teńge ilý, sadaq atý, qyz qýý, kókpar, asyq atý jáne qusbegilik boıynsha kórsetilimder uıymdastyrylady.
20 naýryz kúni Ulttyq sport kúnine oraı «QAZAQSTAN» jeńil atletıka kesheninde «Uly dala oıyndary» sporttyq estafetasy ótedi. Munda jasandy ıntellekt elementteri qoldanylatyn sport túrleri usynylady: arqan tartys, sadaq atý, týrnıkke tartylý, qoı kóterý, Qumalaq AI.
Saǵat 19:00-de Á.Mámbetov atyndaǵy Memlekettik drama jáne komedııa teatry «Qajymuqan» spektakliniń premerasyn usynady.
Beıbitshilik jáne kelisim saraıynda «Naýryz syılyǵy» ulttyq premııasy ótedi.
Saǵat 19:00-de «Jastar» saraıynyń konsert zalynda «Naýryz nury» konserti ótedi.
Bul kúni qalanyń ashyq alańdarynda, mektepterde jáne basqa da mekemelerde ulttyq sport túrlerinen túrli is-sharalar men týrnırler uıymdastyrylady.
21 naýryz – Yntymaq kúni
Dostyq úıinde «Qosh keldiń, Áz Naýryz!» atty aýqymdy merekelik is-shara ótedi.
«Naýryz – bereke bastaýy» konserttik baǵdarlamalary Qalalyq alańda, «Qazaq eli» monýmenti aýmaǵynda, EXPO aýmaǵynda, «Astana Arena» stadıony mańynda, «Astana Music Hall» alańynda jáne «Atatúrik» saıabaǵynda ótedi.
21-22 naýryz kúnderi «Qazaq eli» alańynda gýmanoıdty robot pen robot-ıttiń qatysýymen arnaıy kórsetilimder ótedi.
21-22 naýryz kúnderi Astananyń turǵyn alaptarynda dástúrli «Naýryz meıramy» halyqtyq kóńil kóterý is-sharalary uıymdastyrylady. Olar Almaty aýdanynda – Temirjolshylar turǵyn alabynda jáne «Jeruıyq» saıabaǵynda; Nura aýdanynda – «Jaǵalaý» jáne «Aıǵyrjal» gúlzarlarynda; Saraıshyq aýdanynda – Internasıonalnyı jáne Promyshlennyı eldi mekenderinde; Baıqońyr aýdanynda – О́ndiris jáne Kirpishti turǵyn alaptarynda; Esil aýdanynda – «Baǵystan» jáne «Prıgorodnyı» turǵyn alaptarynda; Saryarqa aýdanynda – «Naz» bı teatry aldyndaǵy jáne «Qorǵaljyn» gúlzarlarynda ótedi.
21-23 naýryz aralyǵynda saǵat 14:00-den bastap EXPO halyqaralyq kórme ortalyǵynda shyǵarmashylyq ujymdardyń óner kórsetýi, ulttyq oıyndar men jarystar qamtylǵan Naýryz merekesine arnalǵan is-sharalar ótedi.
Sonymen qatar 20-21 naýryz kúnderi «Zań men tártip» qaǵıdaty aıasynda jastardyń bastamasymen EXPO aýmaǵynda ulttyq naqyshta zamanaýı tehnologııalardy qoldana otyryp bezendirilgen kıiz úı tigiledi. Kıiz úıde LED-ekrany bar ınteraktıvti aımaq qarastyrylǵan. Qonaqtar robot-ıt pen dron-polıseıdiń kórsetilimin tamashalaı alady. Sondaı-aq zań, quqyqtyq tártip jáne azamattyq jaýapkershilik qundylyqtaryn nasıhattaýǵa baǵyttalǵan túrli ınteraktıvti oıyn baǵdarlamalary men áleýmettik aksııalar uıymdastyrylady.
Elorda sırki 21 naýryz kúni saǵat 16:00-de sırk ártisteriniń shoý-baǵdarlamasyna shaqyrady.
21 naýryz kúni Nura aýdanynda «Astana Arena» stadıony aldyndaǵy alańda UMC (Ana men bala ortalyǵy) jasandy ıntellekt arqyly júrek-qan tamyrlary aýrýlaryn anyqtaıtyn dıagnostıkalyq jabdyq ornatady. Sonymen qatar aýdannyń jekemenshik mektepteri neırojeliler arqyly qoldanylatyn fotobýdka men robototehnıka kórmesin uıymdastyrady.
22 naýryz – Jańa jyldyń bastalýy
Merekege oraı Qalalyq alańda, «Qazaq eli» monýmentiniń aýmaǵynda, EXPO aýmaǵynda, «Astana Arena» stadıony mańynda, «Astana Music Hall» alańynda jáne «Atatúrik» saıabaǵynda «Naýryz – bereke bastaýy» uranymen konserttik baǵdarlamalar ótedi.
22-23 naýryz kúnderi saǵat 14:00-den 18:30-ǵa deıin EXPO halyqaralyq kórme ortalyǵy aýmaǵynda Naýryz meıramyna arnalǵan jármeńke jumys isteıdi.
Saǵat 12:00-de Á.Mámbetov atyndaǵy Memlekettik drama jáne komedııa teatrynda «Qosh keldiń, Áz Naýryz!» konserttik baǵdarlamasy ótedi.
Naýryz meıramynyń negizgi kúnderi – 21 jáne 22 naýryzda – elordanyń alty aýdanyndaǵy 30-dan astam alańda ulttyq sport túrlerinen jarystar uıymdastyrylady:* qazaq kúresi;* qoı kóterý;* arqan tartys;* asyq atý;* qol kúres;* gir kóterý.
«Qazaq eli» alańynda qala turǵyndary arasynda qazaq kúresinen jarys ótedi.
«Naýryznamanyń» onkúndiginiń sońǵy kúni – 23 naýryz – Tazarý kúnine arnalady. Qala boıynsha «О́zińnen basta» chellendji bastalady. Sondaı-aq «Taza Qazaqstan» jalpyulttyq ekologııalyq aksııasy aıasynda aýlalardy qar men qoqystan tazartý jumysy júrgizilip, bul jańa jyldy jańa maqsatta qarsy alýdyń sımvolyna aınalady.
Saǵat 09:00-de Astanada «Tabıǵat – adamzattyń altyn besigi» ekologııalyq aksııasy uıymdastyrylady.
Sonymen qatar elorda halyqaralyq «Jer saǵaty» ekologııalyq aksııasyna qosylyp, belgili bir ýaqytqa ǵımarattardyń syrtqy jaryqtandyrýyn óshiredi.