Oqıǵa 11 naýryz kúni saǵat 17:00 shamasynda bolǵan. Qatty jeldiń saldarynan 2015 jyly paıdalanýǵa berilgen «Aıka» turǵyn úı kesheniniń qasbetindegi jylý oqshaýlaǵysh qabaty qaptalǵan betten bólinip ketken. Oqıǵa saldarynan eshkim zardap shekken joq.
«Turǵyn úı kesheniniń basqarýshy kompanııasy jumystardy júrgizý úshin ónerkásiptik alpınıst jaldaý máselesin qarastyryp, qasbetti qalpyna keltirý jumystarynyń qunyn eseptep jatyr», dep jazdy Astana qalasynyń turǵyn úı ınspeksııasyny.
Ákimdikte atap ótkendeı, Qazaqstan Respýblıkasynyń «Turǵyn úı qatynastary týraly» zańynyń 34-babyna sáıkes kópqabatty úıdiń qasbetin kútip ustaý páter ıeleriniń mindeti bolyp tabylady.
Aıta keteıik, 2025 jyldyń qarasha aıynda Táýelsizdik dańǵyly boıyndaǵy kópqabatty turǵyn úıdiń qasbetindegi syrtqy qaptama qulap tústi. Kirpishter birinshi qabattaǵy dúkenniń kireberisin basyp qaldy, sondaı-aq joǵarydan kondısıoner de qulaǵan.
Oqıǵa saldarynan bes adam zardap shekti, olardyń ishinde oqıǵa ornyna kelgen eki feldsher de bar. Olardyń birine jabyq bas-mı jaraqaty dıagnozy qoıyldy. Dárigerler bas súıegindegi gematomany alyp tastap, qan ketýdi toqtatqanymen, medısına qyzmetkerin aman saqtap qalý múmkin bolmady.