Germanııanyń Obervızental qalasynda shańǵydan jastar arasyndaǵy álem birinshiliginiń jalaýy jelbiredi. Bul dodada 16 sportshymyz el namysyn qorǵaýda.
Jarystyń alǵashqy erkin tásil boıynsha sprınt saıysy ótti. О́kinishke qaraı, jerlesterimiz kóńil kónshiterlikteı nátıje kórsete almaı, qalyń toptyń arasynda qalyp qoıdy.
Qazaqstandyq qyzdar arasynda eń úzdik kórsetkishke Ksenııa Shalygına qol jetkizdi. Ol 46 oryn alsa, Kamıla Mahmutova 52 satyǵa taban tiredi. Bul tartysta Shvesııadan kelgen shańǵyshylar aldaryna jan salmady. Altyndy Emma Rıbo oljalasa, Iohanna Hagstroem kúmispen kúpteldi. AQSh-tyń ókili Iýlııa Kern qolaǵa qol sozdy.
Uldar básekesinde Áset Dúısenov 40 oryndy enshilese, Artem Kovalev 56 satyǵa jaıǵasty. Bas júldeni norvegııalyq Vebern Hegdal jeńip alsa, ıtalııalyq Matııa Armellını kúmis aldy. Al qola medal Norvegııanyń taǵy bir sportshysy Harald Osberg Amýndsenge buıyrdy.