Mine, bilim teńizinde elimizdiń myńdaǵan jas jetkinshekteri aq jelkenderin jelbiretetin jańa oqý jylynyń bastalýyna da sanaýly kúnder qaldy. Bıyl 1 qyrkúıek – halyqaralyq bilim merekesi jeksenbi kúnine tuspa-tus kelip tur. Soǵan qaramastan elimizdiń barlyq bilim oshaqtary bul kúni shadyman shattyq qushaǵynda bolady.
Mine, bilim teńizinde elimizdiń myńdaǵan jas jetkinshekteri aq jelkenderin jelbiretetin jańa oqý jylynyń bastalýyna da sanaýly kúnder qaldy. Bıyl 1 qyrkúıek – halyqaralyq bilim merekesi jeksenbi kúnine tuspa-tus kelip tur. Soǵan qaramastan elimizdiń barlyq bilim oshaqtary bul kúni shadyman shattyq qushaǵynda bolady.
Jyl saıynǵy dástúrge sáıkes elordamyzdyń barlyq mektepterinde oqýshylardyń, muǵalimderdiń jáne ata-analardyń qatysýymen saltanatty jıyndar, merekelik is-sharalar uıymdastyrylady. Barlyq mektepterde bul kúni «Patrıotızm sabaqtary» ótedi. Jańa oqý jylynda Astana qalasynyń 12 myńǵa jýyq búldirshini mektep tabaldyryǵyn alǵash attaıdy. Bul týraly astana.kz saıtyna qalalyq bilim basqarmasy habarlady.
Bıylǵy oqý jylynda elimizdiń bas qalasynda 82 mektep oqýshylarǵa esigin aıqara ashady. Qalamyzdaǵy 70 memlekettik jáne 12 jeke menshik mektepterde 86 663 oqýshy bilim nárinen sýsyndaıtyn bolady. Elordadaǵy barlyq mektepter jańa oqý jyly qarsańynda jan-jaqty jaraqtalyp, kúrdeli jóndeýlerden ótkizildi. Jańǵyrý men jańarý ıisi ańqyǵan bilim uıalary óz shákirtterin kútýde.
24 jáne 30 tamyzda Astana qalasynyń ortalyq alańynda «Mektepke jol» atty dástúrli respýblıkalyq aksııa aıasyndaǵy mektep jármeńkesi ótedi. Bıyl jármeńkege Astana, Almaty, Qaraǵandy, Shymkent qalalarynan 28 kásipker qatysady. Aksııa barysynda mektep formasy, oqýlyqtar, balalarǵa arnalǵan oı-sanany damytatyn kitaptar, sómkeler, portfelder, rıýkzaktar, keńse zattary, mektepke arnalǵan aıaq kıim men kúrtesheler jáne basqa da mektepke qajetti ónimder satylady. Bul dástúrli jármeńkelerde mektep formasyn 50 paıyzǵa, mektepke arnalǵan syzý-jazý quraldaryn 30 paıyzǵa tómendetilgen baǵamen satyp alýǵa bolady. Sonymen qatar, qalalyq ákimdik janyndaǵy ortalyq alańda jármeńkege oraılastyrylǵan Oqýshylar saraıy, mýzyka jáne óner mektepteri oqýshylarynyń qatysýymen konsert kórsetiledi.
Nııaz JYLQYBAEV.