Úndistannyń Mýmbaı portynda jarylyp, sýǵa batqan «Sındýrakshak» súńgýir qaıyǵynan qaza tapqan ekıpaj músheleriniń denesin alyp shyǵý jumystary bastaldy. Bul jóninde keshe jergilikti aqparat quraldary habarlady.
QAZA TAPQANDARDYŃ DENELERI ShYǴARYLA BASTADY
Úndistannyń Mýmbaı portynda jarylyp, sýǵa batqan «Sındýrakshak» súńgýir qaıyǵynan qaza tapqan ekıpaj músheleriniń denesin alyp shyǵý jumystary bastaldy. Bul jóninde keshe jergilikti aqparat quraldary habarlady.
Qazirge ekıpajdyń úsh múshesiniń deneleri sý astynan shyǵarylǵan. Olardyń aty-jónderi áli anyqtalǵan joq. Úndistan bıligi osynyń aldynda qaıyq bortyndaǵy 18 ekıpaj múshesiniń tizimin jarııalaǵan edi. Keshegi jaǵdaıǵa qaraǵanda, olardyń eshqaısysy tiri qalmaǵan sııaqty. El bıligi súńgýir qaıyqty ózderiniń tehnıkalyq quraldarymen sý betine kóterip shyǵarý operasııasyn júrgizýge kúshteri jetpeıtinin alǵa tartyp otyr. Sondyqtan, olar buǵan sıngapýrlyq kompanııanyń nemese Nıderlandynyń mamandaryn kómekke shaqyrýdy josparlaýda.
BILIK ÚShIN TALAS QANDY QYRǴYNǴA SOQTYRDY
Mysyr úkimeti Kaırde jáne eldiń basqa da qalalarynda bolǵan tártipsizdikterden qaza tapqan adamdardyń sanyn jarııa etti. Densaýlyq saqtaý mınıstrliginiń ókili M.Fatallahtyń keltirgen málimetteri boıynsha, qaqtyǵystardan 465-ke jýyq adam mert bolǵan.
Qaza tapqandardyń 43-i polısııa qyzmetkerleri, 422-si azamattyq tulǵalar eken. Bulardyń jartysynan astamy Kaırdegi qaqtyǵystar kezinde kóz jumǵan kórinedi. Tártipsizdik saldarynan 3,5 myńdaı adam jaralandy degen derek te bar. Egıpettiń ótpeli úkimeti búkil el boıynsha tótenshe jaǵdaı jarııalady, al Kaır men 11 provınsııada komendanttyq saǵat engizildi.
MERKEL SAILAÝALDY NAÝQANYN BASTADY
FRG kansleri Angela Merkel sársenbi kúni óziniń saılaýaldy naýqanyn bastady. Osyǵan baılanysty ol Gessen aýmaǵyndaǵy Zelıgenshtad qalashyǵynda sóz sóılepti.
Angela Merkelmen kezdesýge bir myńǵa jýyq adam kelgen. Olardyń basym kópshiligi kanslerdi jaqtaýshylar men ol jetekshilik etetin HDS partııasynyń músheleri eken. Degenmen, kezdesýge sosıal-demokrattar uıymyna kiretin jastar da qatysyp, «Merkel ket!» jáne «О́tirikshi» dep aıqaılap, turyp alǵan kórinedi. Al Germanııada parlamenttik saılaý osy jyldyń 22 qyrkúıeginde ótedi.
TERAKTINI SÚNNITTIK TOPTAR JASAǴAN
Beırýt qalasynyń «Hızballa» radıkaldy qozǵalysy baqylaý jasaıtyn aýdanynda bolǵan terrorlyq áreketti «Aıshı otrıady» atalatyn súnnıttik toptar óz jaýapkershiligine aldy. Bul jóninde «Reıter» agenttigi habarlady.
Atalǵan toptyń «Hızballa» shııttik radıkaldyq qozǵalysynyń jetekshisi Hasan Nasrallaǵa joldaǵan beıneúndeýinde bul olardyń ekinshi operasııasy ekendigi jáne ol jalǵasyn tabatyndyǵy aıtylǵan. Lıvııa qaýipsizdik qyzmetiniń málimetterine qaraǵanda, terrorlyq áreketten 20-dan astam adam qurban bolyp, 120-ǵa jýyq adam jaralanǵan. Sonymen qatar, birneshe avtokólik otqa oranyp, birqatar úı zaqymdanǵan kórinedi. Jarylǵysh qondyrǵy avtomáshınege qoıylǵan eken.
JAŃA ZELANDIIаDAǴY KÚShTI JER SILKINISI
Jańa Zelandııada kúshti jer silkinisi saldarynan el aýmaǵyndaǵy áýejaılar men temir jol qatynastary toqtatyldy. «Reıter» agenttiginiń habarlaýynsha, qýaty 6,8 ball bolatyn zilzala jergilikti ýaqyt boıynsha saǵat 02.31-de tirkelgen.
Epısentri el astanasy Vellıngtonnan onsha qashyq emes Iýjnyı aralynda, 10 shaqyrymdaı tereńdikte bolsa kerek. Artynsha taǵy bir jerasty dúmpýi tirkelipti. Onyń qýaty – 5,7 balǵa jetken. Zilzaladan birqatar ǵımarattar búlinip, Iýjnyı aralynda elektr jaryǵy sónip qalǵan. Zardap shekken adamdar jóninde qazirge aqparattar joq.
SAILAÝ ALDYNDAǴY «QARA PIAR» BOLSA KER