Turmystyq zorlyq-zombylyqqa jol joq

Májilis depýtaty, Prezı­dent janyndaǵy Adam quqyq­tary jónindegi komıssııa tóraǵasy Qýanysh Sultanov­tyń tór­aǵalyǵymen ótken jıyn­da Eń­bek jáne halyqty áleýmet­tik qorǵaý mınıstri Birjan Nu­­rymbetov, Ishki ister mınıs­tr­liginiń ókili Arystanǵalı Sa­parov turmystyq zorlyq-zombylyqqa qarsy sharalardyń iske asyrylýyn baıandap, sóz sóıledi. 

Komıssııa otyrysynyń ju­my­syna zań shyǵarýshy, atqarý­shy jáne sot bıligi tarmaq­ta­ry­nyń, halyqaralyq jáne úkimet­tik emes uıymdardyń, bıznes-qury­lymdardyń ókilderi, zańgerler qatysty.

Talqylaý barysynda komıssııa músheleri adamnyń qadir-qasıetine qol suǵylmaıtynyn, eshkimdi azaptaýǵa, oǵan zorlyq-zombylyq jasaýǵa, basqadaı qa­tygezdik nemese adamdyq qa­dir-qasıetin qorlaıtyndaı já­bir kórsetýge ne jazalaýǵa bolmaıtyndyǵyn taǵy bir atap ótti. Senat depýtaty Andreı Lý­kın búginde elimizdegi otbasylarda qarjylyq álimjettik degen túsiniktiń de qalyptasqanyn málim­dedi. Depýtattyń aıtýynsha, ot­basy asyraýshysy jumys iste­meı, otbasy materıaldyq je­tis­peýshilik, muqtajdyq kóredi.

Sóz sóılegen sarapshylar «Otbasylyq-turmystyq zor­lyq-zombylyqqa qarsy is-qımyl týraly» jańa zań  joba­syn ázirleýde halyqaralyq táji­rıbeni eskerý qajettigin eskertti.

Talqylaýǵa qatysqan sarapshylar qatygez qarym-qatynasqa qarsy is-qımyl salasyndaǵy problemalar men mindetterdiń vedomstvolyq qana emes, qoǵam­dyq, memlekettik sıpatqa ıe eke­nin, azamattyq qoǵamnyń bel­sendi qa­ty­sýymen bıliktiń barlyq tar­maq­ta­rynyń kúsh salýy, tyǵyz óza­ra is-qımyly qajet ekenin atap ótti.

Komıssııanyń otyrysyn­da tujyrymdalǵan onyń usy­nymdary Memleket basshy­synyń, Parlament pen Úkimettiń nazaryna jetkiziletin bolady.