Almaty qalasynyń ekologııa departamenti men QazjolǴZI ókilderi JEO jumysy nátıjesinde paıda bolatyn kúl-qoj qospalaryn qaıta paıdalaný múmkindigin talqylady. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Jylý energetıkalyq kesheniniń qaldyqtary – ónerkásiptiń túrli salalarynda, sondaı-aq, joldardy salý kezinde qoldanylatyn ámbebap materıal. Topyraqty bekemdeý kezinde tutqyrlaǵysh komponent retinde paıdalanylatyn kúl sementti 20% únemdeýge kómektesedi. Máselen, Qazaqstanda 5 jyl ishinde joldardy salý kezinde ónerkásiptik qaldyqtardyń shamamen 8 mln tonnasy paıdalanylǵan.
Batys Eýropada JEO qaldyqtaryn jol qurylysynda qoldaný problemasyn sheshýde anaǵurlym progressıvti jumys atqarylýda. Fransııada osy qaldyqtardy «qurǵaqtaı» bólý arqyly paıdalansa, AQSh-ta ushpa kúl men gıdrojoıý kúli qurylysta qoldanylady. Ońtústik Afrıkada ushpa kúl túrli sement túrlerimen kúsheıtilip, jol qurylysyna arnalǵan topyraqty turaqtandyrǵysh retinde kádege jaratylady eken.
Almatylyq ekologtar men jolshylar kúl-qoj qaldyqtaryn qaıta paıdalaný múmkindikteri, zerthanalyq synamalar men jol salý kezinde qospanyń tıisti quramyn tańdaýdyń qajettigi taqyryptaryn talqylady. Joba kúl úıindileriniń kólemin azaıtyp, aımaqtaǵy ekologııalyq jaǵdaıdy jaqsartýǵa yqpal etpek.
Eske salaıyq, aldaǵy 5 jylda respýblıkalyq mańyzy bar joldardy salý jáne qaıta jańartý kezinde óndiristik qaldyqtardyń 5,3 mln tonnasy paıdalynylady dep josparlanýda.