Dzıýdodan Rabatta (Marokko) ótýi tıis bolǵan álemdik Gran-prı kezeńi ótpeıtin boldy. Bul týraly halyqaralyq dzıýdo federasııasy resmı saıtynda málimdedi dep habarlaıdy Olympic.kz.
Halyqaralyq dzıýdo federasııasynyń kúntizbesine sáıkes reıtıngilik týrnır 6-8 naýryz kúnderi ótýi tıis edi.
Marokko úkimeti koronavırýs epıdemııasynyń taralýynyń aldyn alý maqsatynda elde bolatyn barlyq qoǵamdyq is-sharalar men sporttyq sharalardy ýaqytsha toqtatty. Atalǵan dodaǵa qatysý úshin álemniń 94 elinen 561 dzıýdoshy tirkelgen bolatyn.