Keshe Qazaqstan Respýblıkasynyń Syrtqy ister mınıstri Erlan Ydyrysov Astanaǵa resmı saparmen kelgen QHR Syrtqy ister mınıstri Van Imen kezdesý ótkizdi, dep habarlady vedomstvonyń baspasóz qyzmeti.
Keshe Qazaqstan Respýblıkasynyń Syrtqy ister mınıstri Erlan Ydyrysov Astanaǵa resmı saparmen kelgen QHR Syrtqy ister mınıstri Van Imen kezdesý ótkizdi, dep habarlady vedomstvonyń baspasóz qyzmeti.
Kelissózder barysynda QR jáne QHR syrtqy saıası vedomstvo basshylary Qazaqstan – Qytaı yntymaqtastyǵy men halyqaralyq ınstıtýttar sheńberindegi ózara yqpaldastyǵy máseleleri boıynsha, sonymen qatar óńirlik jáne jahandyq qaýipsizdik máseleleri jóninde úılesimdi dıalog ótkizdi.
Kún tártibiniń negizgi taqyryptarynyń biri osy jyldyń qyrkúıek aıynda QHR Tóraǵasy Sı Szınpınniń Qazaqstanǵa saparyna daıyndyq máseleleri boldy. Atalmysh sapardyń ekijaqty qarym-qatynastardyń odan ári damýyna erekshe mańyzyn eskere otyryp, taraptar joǵary deńgeıdegi sharany ótkizýge daıyndyq máseleleri jóninde pikir almasty. Atap aıtqanda, eki eldiń Memleket basshylarynyń ekijaqty kezdesýinen bólek sapar baǵdarlamasy QR Úkimet basshysy men Parlament Májilisiniń Tóraǵasymen kezdesýlerin de qamtıdy. Sonymen qatar, ekijaqty qujattarǵa qol qoıý, sonyń ishinde taraptardyń tatý kórshiles, konstrýktıvti jáne teń dárejeli qarym-qatynasqa degen ustanymdaryn bildiretin jan-jaqty strategııalyq áriptestikti ári qaraı tereńdetý jónindegi birlesken deklarasııa da bar.
Qazaqstandyq tarap QHR-diń álemdik saıasattaǵy mańyzdy róline, onyń álemdik ekonomıkalyq prosesterdiń lokomotıvi retinde mańyzyna, sonymen qosa memlekettiń halyqaralyq máselelerdi sheshýdegi belsendi ustanymyna erekshe mán beredi. Taraptar turaqty túrde úkimet basshylarynyń kezdesýin ótkizý tájirıbesi Qazaqstan men Qytaı ekonomıkalarynyń strategııalyq salalaryndaǵy ekijaqty qarym-qatynastyń damýyna jol ashady degen pikirde.
Úlken saıası senimniń taǵy bir dáleli, taraptardyń shekaraaralyq ózenderdi paıdalaný máselelerine qatysty rasıonaldy jáne salmaqty ustanymdardy berik saqtap otyrǵany bolyp tabylady. Sý almasý, shaǵyn shekaraaralyq jáne shekaralyq ózenderden birlese sý alý máseleleri jóninde jemisti pikir almasý taraptardyń osy máseleni birtindep sheshýge degen ustanymdaryn baıqatady.
Saýda-ekonomıkalyq yntymaqtastyqty tabysty alǵa tartýdyń kýási, ekijaqty saýda kólemi bolyp tabylady. Ol 2012 jyly 23,9 mlrd. AQSh dollaryn quraǵan bolsa, taraptar 2015 jylǵa deıin osy kórsetkishti 40 mlrd. AQSh dollaryna jetkizýdi kózdep otyr. Áńgimelesýshi taraptar kópjaqty mehanızmder aıasyndaǵy, sonyń ishinde aımaqtaǵy qaýipsizdik pen turaqtylyq máselelerinde kún sanap aıtarlyqtaı belsendi ról atqaryp kele jatqan ShYU, AО́SShK aıasyndaǵy ózara yqpaldastyqtyń ózektiligin atap ótti.