DAZN kompanııasynyń atqarýshy tóraǵasy Djon Skıper orta salmaqtaǵy álem chempıony Saýl «Kanelo» Alvarespen kezdesip, birqatar máseleni talqylaǵan. Eki taraptyń áńgimesi barysynda meksıkalyq pen Golovkınniń arasyndaǵy úshinshi kezdesýdiń qashan bolatyny týraly másele kóterilgen. Bul týraly Sports.kz basylymy habarlady.
Strımıng kópshilik kútken boks keshin osy jyldyń 12 qyrkúıegine josparlap otyrǵan kórinedi. Alaıda jekpe-jektiń qaıda bolatyny keıinirek anyqtalady.
Aldyn ala boljam boıynsha, Golovkın-Alvares arasyndaǵy ótýi múmkin úshinshi jekpe-jek Las-Vegas pen Tehas shtatyndaǵy sport kesheninde ótedi.
Bárimiz biletindeı, qazaqstandyq boksshy men meksıkalyq sportshynyń alǵashqy eki jekpe-jegi Las-Vegaste ótken.
Qos sportshynyń arasyndaǵy kezdesýde teń esep tirkelse, ekinshi aıqasta tóreshilerdiń sheshimimen Alvares jeńiske jetti.
Eske sala ketsek, osyǵan deıin IBF jáne IBO nusqasy boıynsha orta salmaqtaǵy álem chempıony Gennadıı Golovkınniń jaraqat alyp qalyp, sol sebepti josparlaǵan kezdesýin keıinge qaldyrǵan edi.