Byltyr oblys ortalyǵyndaǵy S. Toraıǵyrov atyndaǵy memlekettik ýnıversıtettiń Agrotehnologııalyq fakýltetinde Agro-Innovasııa jáne Bıotehnologııa ǵylymı-zertteý ınstıtýty ashyldy.
Instıtýt oqý ornynyń qurylymdyq bólimsheleriniń bir retinde qazir óz jumysyn bastap ketti.
Agrotehnologııalyq fakýltet-óńirdiń agrónerkásiptik kesheni úshin agronomdar, mal sharýashylyǵyn ónimderin óndirý tehnologııasy, orman resýrstary jáne ormanshylyq jáne tehnıkalyq baǵyttaǵy bıotehnologııa, tamaq ónimderiniń tehnologııasy qajetti mamandardy daıarlaıdy.
О́ńirdegi Orlovka aýylynda ornalasqan «Pobeda» seriktestiginde fakýltettiń fılıaly jumys isteıdi.
Fılıal «Aýyl sharýashylyq mamandyqtaryna arnalǵan dýaldy bilim berý oqý ortalyǵy» seriktestik dırektory Aleksandr Polıakov pen fakýltet dekany, professor Toqtar Bekseıitovtiń bastamasymen ashyldy.
Al, jýyrda Agroınnovasııa jáne bıotehnologııa ǵylymı-zertteý ınstıtýtynda «Sútti jáne etti asyl tuqymdy maldy ósirýdiń ǵylymı tásilderi» atty oqytý kýrstary ótkizildi.
Sonymen qatar, maldardy qoldan uryqtandyratyn mamandarǵa da osy saladaǵy jańashyldyqqa saı arnaıy leksııalar barysynda aıtyldy.
Stýdentterge arnalǵan ǵylymı taqyryptaǵy kýrstardy aýyl sharýashylyǵy ǵylymynyń doktory, professor Toqtar Bekseıitov, ǵylym kandıdaty, professor Nadııa Borambaeva, ǵylym kandıdaty, professor Rústem Ábildınov, phD, professor Talǵat Seıteýovter júrgizdi.
Al, ǵylymı-zertteý ınstıtýtynyń dırektory Qaırolla Aqajanovtyń aıtýynsha, mundaı kýrstar endi turaqty túrde jyl saıyn ótkiziledi.
Kýrstardyń tájirıbelik bóligi-oblystyń aldyńǵy qatarly sharýashylyqtarynda ótkiziledi. Stýdenttrge maldy qoldan uryqtandyrýdy oqytýdan basqa, embrıondardy transplantasııalaýdy qalaı uıymdastrý kerektigi kórsetiledi.
Kýrs aıaqtalǵannan keıin, stýdentterdiń alǵan bilimderi arnaıy emtıhanda baǵalandy. Oqý sońynda stýdentterge tıisti sertıfıkattar tabys etildi.
Pavlodar oblysy
Sýretti túsirgen: Aman Smaıyl