Tuńǵysh Prezıdenti Nursultan Nazarbaev jumys saparymen Reseı astanasyna keldi.
Sapar barysynda Elbasy Reseı Prezıdenti Vladımır Pýtınmen kezdesedi jáne M.V.Lomonosov atyndaǵy Máskeý memlekettik ýnıversıtetinde ótetin «N. Nazarbaev - eýrazııalyq ıntegrasııanyń sáýletshisi» kórmesiniń saltanatty ashylýyna qatysady.
Tuńǵysh Prezıdenttiń baspasóz qyzmeti habarlaǵandaı, kórmeniń basty maqsaty – eýrazııalyq yntymaqtastyqtyń paıda bolýy men damý tarıhyndaǵy N.Nazarbaevtyń róli men ıdeıanyń jańa jahandyq ólshemdegi damý perspektıvalaryn kórsetý.
Kelýshilerge Elbasy kitaphanasynyń muraǵat, kitap jáne mýzeı qorlarynyń materıaldary usynylady. Kórme «Qazaqstan - Reseı: memleketaralyq qatynastardyń standarty», «Eýrazııalyq odaq: ıdeıadan tájirıbege» jáne «Bolashaqtyń zııatkerlik ulty» atty úsh bólimnen quralǵan.