Bul – munaı baǵasy arzandaǵan 10 naýryzdan bergi kórsetkish. 11 naýryzdaǵy kórsetkish boıynsha, bırjadaǵy jeke tulǵalardyń esep shottary artqan.
Munaı baǵasy túsip ketkennen keıin KASE bırjasyndaǵy saýda-sattyq kólemi 505 mıllıon dollardy quraǵan.
AQSh valıýtasynyń quny dúısenbidegi sharyqtaýdan keıin ózgermeı tur. Tosyn jaǵdaıǵa baılanysty bırja basshysynyń orynbasary Andreı Salıýk pikir bildirdi.
Onyń sózinshe, saýda-sattyq alǵash ashylǵan sátte bırja kórsetkishi 6,5-ten 7 paıyzǵa deıin túsip ketken. Biraq tústen keıin naryq qaıta qalpyna kelip, ındeks kórsetkishi 4,77 paıyzǵa jetipti. Sondaı-aq valıýta naryǵyn retteý úshin, qor bırjasynda alǵash ret frankfýrttyq aýksıon tehnologııasy qoldanylypty.
«Jalpy jasalǵan kelisimderdiń kólemi 300-320 mıllıon dollardan asty. Bul kórsetkish frankfýrttyq aýksıon nátıjesinde qol jetkizilgen soma. Iаǵnı biz saýdaǵa qoıǵan suranystyń barlyǵy qanaǵattanarlyq nátıje kórsetti. Jalpy saýda-sattyq kólemi 505 mıllıon dollardy qurap otyr. Naryqta az da bolsa túzelý baıqalady», – dedi «Qazaqstan qor bırjasy» AQ basqarma tóraǵasynyń orynbasary Andreı Salıýk.
Sondaı aq, 11 naýryzdaǵy kórsetkish boıynsha, bırjady jeke tulǵalardyń esep shottary artqan.
Ortalyq depozıtorıda 118 myń 773 derbes shot tirkelgen bolsa, onyń 1141-i jańadan ashylǵan. Bul ótken aımen salystyrǵanda joǵary kórsetkish deıdi KASE basshylyǵy.