Jolaýshylap shyqqan kókshetaýlyqtar úshin endi Almaty alty-aq qadam jer. Búgin tuńǵysh reıs ushyryldy. 180 oryndyq ushaq aptasyna úsh ret ushatyn bolady.
Bılet quny 8999 teńge. Brondaý saıt arqyly júzege asyrylady. Kókshetaý men Petropavl qalalaryna ashylǵan jańa baǵyttar óńirdegi týrızmdi damytýǵa yqpal etedi dep boljanýda. Endigi arada Býrabaıǵa barýdyń joly ońaı. Bul jaıynda áýejaıdyń jer ústi qyzmetiniń dırektory Danııar О́skenbaev taratyp aıtyp berdi.
– Biz únemi jolaýshylarǵa qajetti bıletterin arzan baǵamen brondaýdy usynamyz. Ádette arzan bıletter tez satylyp ketedi, – deıdi ol.
Baǵanyń qoljetimdi bolýy eń aldymen halyqtyń qaltasyna salmaq túsirmeıtin bolady. Osy jaǵynan kelgende jolaýshylar qatynasynyń joly bolatyn túri bar.
Aqmola oblysy