Bul týraly Mańǵystaý oblysy ákiminiń orynbasary Qanybek Jumashev «Qoǵamdyq kommýnıkasııa ortalyǵynda» ótken brıfıngte málimdedi.
11 naýryzda Dúnıejúzilik densaýlyq saqtaý uıymy COVID-19 jańa koronavırýstyq ınfeksııa pandemııasyn jarııalady. El Prezıdenti Qasym-Jomart Toqaev Qazaqstanda koronavırýstyq ınfeksııanyń taralýyna jol bermeý jóninde naqty mindetter qoıdy. Osyǵan oraı, QR Premer-Mınıstriniń orynbasary Eraly Toǵjanov BAQ ókilderine arnaıy brıfıng ótkizip, qabyldanǵan sharalar týraly habardar etti.
Úkimet qabyldanǵan sheshimge sáıkes, 13-14 naýryz kúnderi «Adaı Ata – Otpan taý» rýhanı tarıhı-mədenı kesheninde ótetin shara keıinge shegerildi. Sharada kıiz úıler tigilip, 5 000-ǵa jýyq adam jınalatyndyqtan, túrǵyndardyń qaýipsizdigin qamtamasyz etý úshin osyndaı sheshim qabyldandy.
-Amal merekesi – tatýlyqtyń, kelisimniń meıramy. Eń birinshi kezekte adamnyń densaýlyǵy mańyzdy ekenin biz túsinýimiz kerek. Sondyqtan oıymyz bir jerden shyǵyp, aýyzbirshiligimizdi kórseteıik. Túsinistikpen qaraýlaryńyzdy suraımyz, dedi sóz sońynda Q.Jumashev.
Aımaqtaǵy adam kóp jınalatyn mádenı sharalardyń barlyǵy toqtatyldy.