Koronavırýs juqtyrǵan naýqas ushyp kelgen Máskeý-Nur-Sultan reısindegi 35 jolaýshy óńirlerge ketken. Bul týraly Ortalyq kommýnıkasııalar alańynda ótip jatqan brıfıngte Nur-Sultan qalasy qoǵamdyq densaýlyq saqtaý basqarmasynyń basshysy Saýle Kısıkova málimdedi.
«12 naýryz kúni koronavırýs anyqtalǵan naýqaspen birge Máskeý - Nur-Sultan reısimen ushyp kelgen kelgen 89 jolaýshynyń qaıda ketkeni anyqtaldy. 35 adam elordadan shyǵyp ketken, 14-i óńirlerde. Olar qazir jergilikti densaýlyq saqtaý organdarynyń baqylaýyna alynyp, laboratorııalyq zertteý júrgizilip jatyr. Al qalǵan 54 jolaýshynyń 53-i elordada karantınde jatyr, olar da tekserilip jatyr» dedi Nur-Sultan qalasy qoǵamdyq densaýlyq saqtaý basqarmasynyń basshysy Saýle Kısıkova.
21 jolaýshy Reseıge ushyp ketken. 1 jolaýshy dıplomatııalyq mıssııasyna baılanysty Reseı elshiliginiń aýmaǵynda qalǵan.
Nur-Sultan qalasynda eki naýqas anyqtalǵan.