Bas qala saqadaı saı

Nur-Sultan qalasy ákiminiń orynbasary Baqtııar Makenniń tóraǵalyq etýimen shtab quryldy. Qolǵa alynǵan aldyn alý sharalary týraly qalalyq ákimdiktiń baspasóz ortalyǵynda qalalyq Qo­ǵamdyq densaýlyq saqtaý basqar­masynyń basshysy Sáýle Qısyqova, Taýarlardyń sapasy men qaýipsizdigin baqylaý de­partamentiniń basshysy Zeken Isaqov jáne Investısııalar jáne kásipkerlikti damytý bas­qar­masynyń basshysy Erlan Bek­murzaevtyń qatysýymen ótken brıfıngte aıtyldy.

S.Qısyqova qalanyń barlyq medısınalyq uıymdary saqadaı saı ekenin, ıaǵnı dári-dármek, medısınalyq buıymdarmen jáne jeke qorǵanys quraldary­men tolyq qamtamasyz etilge­nin, sondaı-aq medısına qyz­met­ker­leri arnaıy semınarlar men jat­tyǵýlardan ótkenin atap ót­ti. «Medısınalyq perso­­­nal epı­­demııaǵa qarsy rejim men sa­nıtarlyq-epıdemıologııa­lyq ta­laptarǵa sáıkes oqytyl­dy. Qaýip­ti elderden kelgen aza­mat­­tar 14 kúnge karantınge alynyp, karantınnen keıin úıde 10 kún baqylaýda bolady. Epıdemıologııalyq qaýpi bar elderden kelgen adamdardyń sanatyna baılanysty juqpaly, ýaqytsha jáne karantındik aýrý­hanalar daıyndalǵanyn atap ótken jón. Bul ýaqytsha aýrýhana barlyq qajetti sanıtarlyq-epıdemıologııalyq talaptarǵa saı, ıaǵnı ár bólmesinde teris qy­symmen jabdyqtaý jáne jeldetý júıesi bar, bul júıeler aýrý­hanadaǵylardyń arasynda ın­feksııanyń taralýyn boldyrmaıdy. Sondaı-aq olar qaýipti elderden kelgen adamdardy úıde tekserýden ótkizedi. Buǵan qosa qaýipti elderden kelgenderdi oq­shaýlaýǵa arnalǵan qosymsha tósekter ornalastyryldy. Qazirgi ýaqytta bul ýaqytsha aýrýhanada Qazaqstan azamattarymen qosa elimizge kelgen basqa eldiń azamattary da bar», dedi ol.

Basqarma basshysy eger adamda temperatýranyń joǵarylaýy, jótel sııaqty belgiler bolǵan jaǵdaıda medısınalyq mekemelerge barmaı úıde bolý kerek­tigin jáne Call-ortalyqqa (1406 nómirine) qońyraý shalyp keńes alyp nemese jedel járdem sha­qyrýy qajet ekenin aıtty.

Elordadaǵy balabaqshalar jumysyn jalǵastyra beretinin aıtqan Sáýle Qısyqova: «Dúı­sen­biden bastap mektep oqýshy­larynyń sabaǵy toqtaıdy. Al balabaqshalar jumys isteı be­redi. Biraq biz ata-analarǵa keńes retinde qaldyra alatyn jer bol­sa balabaqshaǵa aparmaǵany abzal ekenin aıtýdamyz. Biraq bul shekteý emes, tek keńes. Mek­tep­ke deıingi mekemeler men ba­la­baqshalar da dezınfeksııalaý ju­mysy, sol sııaqty medısınalyq baqylaý kúsheıtilgen rejimde júrgizilip jatyr», dedi.

Al Erlan Bekmurzaev azyq-túlik qaýipsizdigi jónindegi is-sharalar josparyna sáıkes, olardy tikeleı jetkizý máselesi óńirlermen pysyqtalǵanyn atap ótti. Onyń aıtýynsha, búgingi tańda áleýmettik mańyzy bar azyq-túlik ónimderin jetkizýde úzilister joq. Qalanyń saýda jelileri men qoımalaryndaǵy qorlar jetkilikti mólsherde saqtalǵan. «Aptanyń basynda ákimdikte operatıvti túrde jıyn ótkizdik. Onda áleýmettik mańyzy bar taýarlarmen tolyq qamtamasyz etý máselesin qarastyrdyq. Qazir qalada azyq-túliktiń azaıyp qalýy týraly problema joq. Búkil saýda jelileri men qoımalar azyq-túlikke toly. Magnum, «Astyq­jan», KeńMart, Small jáne de qala bazarlarynyń bárinde azyq-túlik qory jetkilikti. Qosymsha taǵy ákimdikten 1 mlrd teńge qaıtarymdy aqsha aınalmaly mehanızm retinde berildi. Budan bólek ózge de sharýashylyqtarmen tikeleı kelisimshart bar. Qala­myzdaǵy barlyq qoımalar, saý­da oryndary qajetti azyq-tú­lik­termen qamtamasyz etilgen. Qajet bolsa qoımalardy kórsete ala­myz. Ádette jurt arasynda dúrbeleń bastapqy úsh-tórt kúnde ǵana bolady. Odan keıin bári óz qalpyna keledi. Al azyq-túlik baǵasy men qory bizde baqylaýda tur. Baǵasy aınalmaly mehanızm arqyly bekitildi. Alaıda áleýmettik mańyzdy ónimder baǵa­synyń ósýin biz boljaı almaımyz», dedi E.Bekmurzaev.

Zeken Isaqov medısınalyq maskalardyń baǵasy týraly túsindirdi. Onyń aıtýynsha, jaqynda Shymkentte óndirilgen 100 myń dana maska jetkiziledi. «Za­ýytta 49 teńgemen beriletin bolady, al jekelegen saýda úshin biz 56 teńgeden usynyp otyrmyz. Baǵany baqylaýǵa tyry­syp jatyrmyz. Degenmen, medı­sınalyq betperde aýrýdan tolyq qor­ǵaı almaıtynyn eskergen jón. Ony tek jótelip, túshkirip júr­genderge ǵana taǵý kerek. Ma­ńyzdysy, jurtshylyq kóp jı­nalatyn tustardan alshaq bolý kerek. Sondaı-aq maskany qoldanýdyń da mádenıetin saq­taýymyz kerek. Adamdar paı­dalanylǵan maskalardy qoqysqa tastap jatqanyn kóremiz. Saýda ortalyqtarynda da jaǵdaı osyndaı. Ol ashyqtan ashyq jatqan kúıi aýrý taratqysh bolýy múmkin. Biz ony qalaı taqtyq, solaı tıisti jerine qol tıgizbeı sheshýimiz tıis. Osy aýrýda bar derekterdi já­ne qozdyrǵyshtyń berilý erek­shelikterin eskere otyryp, je­ke gıgıenanyń qarapaıym er­e­jesin saqtaý qajet», dedi Z.Isaqov.