Qoǵamdyq densaýlyq saqtaý ulttyq ortalyǵy Telegram-botty iske qosty, onyń kómegimen paıdalanýshylar COVID-2019 koronavırýstyq ınfeksııasy boıynsha suraqtarǵa jaýap ala alady.
Botty iske qosýdyń maqsaty – el azamattarynyń koronavırýs jónindegi suraqqa jaýap alý rásimin jeńildetý. Aqparat alý úshin chattaǵy «Start» batyrmasyn basý kerek. Aqparat suraý úshin paıdalanýshy chattyń tıisti túımelerin basý arqyly pármenderdi jiberý qajet. Budan ári paıdalanýshy jaýaptardy kóre alady. Onyń qyzmetterin paıdalaný úshin Telegramǵa tirkelgen paıdalanýshy bolý kerek.
«Koronavırýs-shuǵyl jeli» Telegram-botty koronavırýstyq ınfeksııa týraly negizgi aqparatty (koronavırýs degenimiz ne, berilý joldary, sımptomdary, ınkýbasııalyq kezeńi, juqtyryp alýdan qalaı qorǵaný kerek, karantınge kim alynady jáne t.b.) qamtıdy. Bot eki tilde: orys jáne qazaq tilderinde qoljetimdi.
Sonymen qatar koronavırýs máseleleri boıynsha QDSUO bazasynda táýlik boıy call – ortalyq (1406) jumys isteıdi, tel. 8 7172 768 043.
Osy botty qurýǵa óziniń áleýmettik jaýapkershiligin bildirgen jáne koronavırýs boıynsha jaǵdaıǵa nemquraıdy qaramaıtyn entýzıast-ázirleýshiler toby kómek kórsetti.