Osy sátterde Almaty qalalyq óńirlik kommýnıkasııa alańynda BAQ ókilderimen baılanys onlaın túrinde júrip jatyr.
BAQ tarapynan qoıylyp jatqan suraqtar legi tómendegideı.
Nur-Sultan qalasynda vırýs juqtyrǵandarmen baılanysta bolǵan almatylyqtar bar ma?
Koronavırýs juqtyrǵandardy emdep jatqan dárigerler qorǵalǵan ba? Olar udaıy koronavırýsqa test tapsyryp otyr ma?
Medısına qyzmetkerleri jumys ýaqyty aıaqtalǵan soń oqshaýlana ma?
Koronavırýs tabylǵan naýqastar týysqandarynan oqshaýlanǵan ba?
Dál qazirge kezde naýqastardyń jaǵdaıy qalaı? Olar jasandy tynys apparattaryn qajetsine me?
Almaty qalalyq qoǵamdyq densaýlyq saqtaý Basqarmasynyń ókilderi qajetti barlyq saqtyq sharalarynyń saqtalǵanyn, medısına qyzmetkerleri kerekti qaýipsizdik zattarymen tolyq qamtamasyz etilgenin, anyqtalǵan naýqastardyń jaǵdaıy birqalypty ekendigin habarlady.
Sondaı-aq barlyq qajetti medısınalyq, profılaktıkalyq jáne uıymdastyrý sharalary jalǵasyp jatyr.
Áleýmettik ál-aýqat basqarmasynyń vedomstvolyq baǵynysty uıymdar – halyqty jumyspen qamtý ortalyǵy men Basqarmanyń aýdandyq bólimderi shtattyq rejımde jumysyn jalǵastyryp otyr.
Arnaýly áleýmettik qyzmetter usynatyn ortalyqtar boıynsha aıtar bolsaq, stasıonar jaǵdaıyndaǵy ortalyqtarda karantın jarııalandy, jartylaı stasıonar jaǵdaıynda – qyzmet alýshylar demalysqa taratyp jiberildi.