Elimizde 12 jyldyq bilim berýge kóshý bastamasy aıasynda bastaýysh, orta jáne jalpy bilim berýdiń mindetti memlekettik standarttarynyń jobasy daıarlandy. Bul týraly «Qazaqstan» telearnasy habarlady.
Joǵaryda atalǵan jobany ázirleýshi mamandardyń biri Y. Altynsarın atyndaǵy Ulttyq bilim akademııasynyń vıse-prezıdenti Ádilhan Dúısebektiń aıtýynsha, jańa standart negizinde bala mektepke 6 jastan qabyldanady eken. Beskúndik oqý baǵdarlamasyna sáıkes, oqýshyǵa baǵa qoıý qarastyrylmaǵan. Sabaqtyń uzaqtyǵy-35 mınýt. Sonymen birge, 2-3 synypta shet tilderi oqytyla bastaıdy. 5 synyp «ótpeli synyp» retinde sanalady. О́ıtkeni, bul kezde balanyń kásibı beıimi anyqtalady deıdi mamandar. Al «Qazaq eli» páni osy synyptan bastap engizilip, ol 8 synypqa deıin oqytylady. 9-10 synyptarda «Mamandyq álemine kirispe» atty jańa pánniń negizinde beıindik bilim berý júrgiziledi. 11-12 synyptarda burynǵy oqý-óndiristik kombınattardyń tájirıbesi boıynsha oqýshylarǵa naqty bir mamannyń kýáligi beriledi.
Danııar Túımebaı.