1968 jyldyń qarashasynyń aıaǵynda meni sol kezdegi Gýrev (qazirgi Atyraý) oblystyq komsomol komıtetiniń birinshi hatshysy Myrzaǵalı Muhambetov shaqyrdy. Ol kezde Dossordaǵy avtomobıl, traktor jáne munaı jabdyqtaryn jóndeý men shyǵarý zaýytynyń bas ınjeneri bolyp jumys isteıtinmin. Kelesi kúni aıtylǵan ýaqytta men oblys ortalyǵyna keldim de, M.Muhambetovtiń kabınetine kirdim. Májilis ótkizetin ústeldiń basynda oblystyq partııa komıtetiniń uıymdyq bóliminiń meńgerýshisi M.Q.Tájın otyr eken. Buryn júzbe-júz kezdespegen adamym, áıtse de syrtynan jaqsy biletinmin, oblystyq, aýdandyq partııa jáne jastar forýmdarynda sóılegen sózderin talaı tyńdaǵanmyn. Sol jazda «Prıkaspııskaıa kommýna» gazetinen M.Q.Tájınmen suhbatty oqyǵan edim. Tilshi ony 35 jasqa tolýymen quttyqtap, kóptegen suraqtar qoıǵan, qaıtarylǵan jaýaptardan onyń ómirbaıanynan egjeı-tegjeıli habardar bolǵanmyn.
1968 jyldyń qarashasynyń aıaǵynda meni sol kezdegi Gýrev (qazirgi Atyraý) oblystyq komsomol komıtetiniń birinshi hatshysy Myrzaǵalı Muhambetov shaqyrdy. Ol kezde Dossordaǵy avtomobıl, traktor jáne munaı jabdyqtaryn jóndeý men shyǵarý zaýytynyń bas ınjeneri bolyp jumys isteıtinmin. Kelesi kúni aıtylǵan ýaqytta men oblys ortalyǵyna keldim de, M.Muhambetovtiń kabınetine kirdim. Májilis ótkizetin ústeldiń basynda oblystyq partııa komıtetiniń uıymdyq bóliminiń meńgerýshisi M.Q.Tájın otyr eken. Buryn júzbe-júz kezdespegen adamym, áıtse de syrtynan jaqsy biletinmin, oblystyq, aýdandyq partııa jáne jastar forýmdarynda sóılegen sózderin talaı tyńdaǵanmyn. Sol jazda «Prıkaspııskaıa kommýna» gazetinen M.Q.Tájınmen suhbatty oqyǵan edim. Tilshi ony 35 jasqa tolýymen quttyqtap, kóptegen suraqtar qoıǵan, qaıtarylǵan jaýaptardan onyń ómirbaıanynan egjeı-tegjeıli habardar bolǵanmyn.
Muhambetqazy Qaýysuly Aqtóbe oblysynyń Shalqar aýdanyndaǵy №63 razezde temirjolshynyń otbasynda týǵan eken. Ákesi Qaýys 1908 jyly týǵan, 1944 jyly Uly Otan soǵysy maıdanynda habarsyz ketipti, anasy Bıǵaısha 1910 jyly týǵan, Aqtóbede turady.
1954 jyly Abaı atyndaǵy Qazaq memlekettik pedagogıka ınstıtýtyn bitirip, tarıh pániniń muǵalimi mamandyǵyn alady. Qyzmet jolyn sol ınstıtýttyń marksızm-lenınızm kabınetiniń meńgerýshisi bolyp bastaǵan. Almaty qalasyndaǵy Frýnze aýdandyq komsomol komıtetiniń ekinshi hatshysy, qalalyq komsomol komıtetiniń nasıhat jáne úgit bóliminiń meńgerýshisi, Frýnze aýdandyq komsomol komıtetiniń birinshi hatshysy, respýblıka komsomoly Ortalyq komıtetiniń nusqaýshysy, Aqtóbe oblystyq komsomol komıtetiniń ekinshi hatshysy, oblystyq gazettiń tilshisi, Aqtóbe oblystyq partııa komıtetiniń lektory, nasıhat jáne úgit bóliminiń meńgerýshisi bolǵan, tórt jyldaı Gýrev oblystyq partııa komıtetinde nasıhat jáne úgit bóliminiń meńgerýshisi bolyp istep, 1968 jyldyń aqpanynda oblystyq partııa komıtetiniń uıymdyq bóliminiń meńgerýshisi qyzmetine taǵaıyndalǵan. Osy baspaldaqtardyń bárin ol az ýaqyttyń aıasynda júrip ótken. Ol kez úshin 27 jasta oblystyq partııa komıtetiniń nasıhat jáne úgit bóliminiń meńgerýshisi bolý úshin aıryqsha qabilet qajet edi.
Sálemdesýden keıin Muhambetqazy Qaýysuly meni áńgimege shaqyrýdyń sebebin aıtty.
1968 jyldyń 25 qarashasynda Mańǵystaýda jańadan qurylǵan Jańaózen aýdanynda partııa konferensııasy ótkizilgen bolatyn. Aýdandyq partııa komıteti jasaqtalǵan. Aýpartkomnyń birinshi hatshysy bolyp Dmıtrıı Nıkolaevıch Klınchev saılanǵan. Endi aýdandyq komsomol uıymyn qurý kerek.
1965 jylǵy aqpanda oblys Búkilodaqtyq ekpindi komsomol qurylysy dep jarııalandy. Sodan keıin-aq qazynaly túbekke búkil Keńes Odaǵynan san túrli ulttardyń jastary aǵylyp kele bastady. Turǵyndardyń basym kópshiligi jastar bolatyn.
– Aýdandyq komsomol komıtetiniń birinshi hatshysy etip saılaý úshin seniń kandıdatýrańa toqtam jasap otyrmyz. Ne aıtasyń? – Muhambetqazy Qaýysuly maǵan osylaı dedi.
Azyraq oılanyp baryp, men ózimniń kúdik-kúmánimdi aıta bastadym, komsomoldyq jumysta tájirıbem joq, salǵan betten aýdandyq aýqymdaǵy jastar jetekshisi qyzmetin alyp ketý qıyn bolatyn sııaqty, dedim.
Ol kisi jymıyp kúlip qoıdy da bylaı dedi: Ravıl, sen 14 jastan beri komsomoldasyń, ınstıtýtqa deıin 5 jyl zaýytta slesar, sehtyq komsomol uıymynyń hatshysy bolǵansyń. Máskeýdegi munaı ınstıtýtyn bitirgennen keıin mine, 2 jyldan astam ýaqyt boıy irgeli zaýyttaǵy komsomol uıymynyń hatshysysyń, oblystyq komsomol komıtetiniń múshesisiń, aýdandyq komsomol komıtetiniń shtattan tys hatshysysyń. Saǵan taǵy qandaı tájirıbe kerek? Onyń ústine eki jyldan a