Ekonomıkasy qara altynmen tyǵyz baılanysty kórshimiz orys halqy da ábigerge túsip jatyr. Reseılik Urals munaı markasynyń quny barreline 18,64 dollarǵa tómendedi. Mundaı jaǵdaı osydan 18 jyl buryn aqpan aıynda tirkelgen edi.
Baǵanyń quldyraýyna koronavırýs kináli. Búgingi tańda Reseı men Saýd Arabııa arasyndaǵy baǵa soǵysy báseńdemeı tur. Tek Saýd Arabııasy sáýir aıynda naryqqa qosymsha úsh mıllıon barrel shyǵardy. Sondaı-aq Irak, Kýveıt, Birikken Arab Ámirlikteri men Nıgerııa suranysty ulǵaıtpaq.
О́tken aptada Qarjy mınıstri Anton Sılýanov munaı men gaz kiristeriniń josparlanǵan mánnen eki trıllıon rýblge qysqarýynan bıylǵy Reseı bıýdjetiniń shyǵyny shash-etekten ekinin aıtqan bolatyn. Jaǵdaıdyń máz emestigi sodan-aq ańǵarylǵan edi.
Kórshimizdiń qazirgi baǵamdaǵy shyǵyny úsh trıllıon rýbldi quraıdy. Bul jalpy bıýdjettiń 15 paıyzy desek te bolady. Keshe ǵana Reseı Prezıdentiniń baspasóz hatshysy Dmıtrıı Peskov BAQ ókilderine munaı baǵasyn aýyzdyqtaýdyń amalyn qarastyryp jatqanyn málimdegen bolatyn.
Muhtar KÚMISBEK,
«Egemen Qazaqstan»