Oblys ortalyǵynda medısınalyq maskalardy qymbatqa satý deregi tirkelip, zańsyz bıznestiń joly kesildi. Iri kólemdegi taýar Elordadan jetkizilgen.
Aqmola oblystyq ekonomıkalyq tergeý departamentiniń shuǵyl-izdestirý is-sharasy barysynda kásipkerdiń zańsyz áreketi áshkerelendi. Ol 10 myń dana medısınalyq maskany zańsyz satqan. Elimiz boıynsha tapshy taýar joǵary baǵamen saýdalanǵan. Bir danasy 140 teńgeden satyldy.
– Is-shara barysynda 10 myń dana kólemindegi maskanyń Nur-Sultan qalasynan ákelingeni anyqtaldy. Taýar oblystyq densaýlyq saqtaý basqarmasyna ótkiziledi,–deıdi oblystyq ekonomıkalyq tergeý departamenti jetekshisiniń orynbasary Mermýhamet Skatov.