AQSh ákimshiligi koronavırýstyń áserin joıý úshin 1 trıllıon dollarlyq kómek paketin qabyldaýǵa nıet tanytyp otyr. Baǵdarlama sheńberinde amerıkalyqtarǵa 500 mıllıard dollar tikeleı qarjylyq kómek, shaǵyn bızneske jáne iri bıznesti qoldaýǵa 300 mıllıard dollar, sonyń ishinde avıasııa salasyn qoldaýǵa 200 mıllıard dollar bóldi.
Bul kómek paketi úshinshi qujat. Ony AQSh Kongresi maquldap, oǵan prezıdent Tramp qol qoıady. Aldyńǵy eki kómek paketinde jumysshylarǵa 100 mıllıard dollarlyq aqy tólenetin eńbek demalysyn berý, jumyssyzdyqtan saqtandyrý jáne AQSh-tyń koronavırýstyq tegin testileýin qamtamasyz etýge baǵyttaldy. Osy qujat sheńberinde memlekettiń densaýlyq saqtaý júıesine 8,3 mıllıard dollar kómek berýdi zańdastyrady.
Zań shyǵarýshylar barlyq taraptyń kez kelgen jaǵdaıda birinshi kezekte kelisimge basymdyq berýin talap etip otyr. Sebebi ýaqyt tyǵyz. Derttiń jaýlap alǵan aýmaǵy ulǵaıyp barady. Sol sebepti olar tek federaldy rezervtiń emes, jekelegen adamdardyń da kómeginen úmittenip otyr.
Reuters agenttiginiń habarlaýynsha AQSh-tyń qarjy mınıstri Stıven Mnýchın Kongressti tezirek áreket etýge jáne kelesi aptanyń basynda ekonomıkalyq yntalandyrý sharalaryn qabyldaýǵa shaqyrdy.
Keshe keshkisin «Fox Business Network» aqparattyq portalyna bergen suhbatynda federaldy úkimettiń AQSh kompanııalaryna ótimdilikti, onyń ishinde jańa qaryz mindettemelerin berý arqyly qamtamasyz etýge basa nazar aýdaratynyn jáne bıznes nesıelerin óteý josparlanǵanyn aıtty.
Yntalandyrý sharalarynyń jalpy jıyntyǵy Obama ákimshiliginiń 2008-2009 jyldardaǵy qarjylyq daǵdarys kezinde qabyldaǵan sharalarynan asyp túsip, 800 mıllıard dollarǵa jetti.
AQSh-tyń Federaldy rezervtik júıesi memlekettik jáne basqa oblıgasııalardy satyp alý arqyly ekonomıkany ótimdilikpen qamtamasyz etý úshin 700 mıllıard dollarǵa sandyq jumsartý baǵdarlamasyn júrgizýmen qatar, paıyzdyq mólsherlemelerdi nólge deıin tómendetti.
Vashıngtondaǵy Strategııalyq jáne halyqaralyq zertteýler ortalyǵynyń sarapshysy Stefanı Segal (jýrnalıstermen telefon arqyly sóılesken kezde zań shyǵarýshylar óte tez áreket etip, túrli sharalar qabyldaıtynyn atap ótti.
«Qazirgi jaǵdaıda, 2008-2009 jyldardaǵy qarjylyq daǵdarys kezinde jiberilgen qatelikter kóp jaǵdaıda eskerildi», deıdi sarapshy.
Sarapshynyń paıymdaýynsha saıasatkerler 2008 jylǵy daǵdarystyń sabaqtary týraly bildi AQSh bıznesi úkimettik organdarmen ıntegrasııalaýǵa asyǵyp, kómek qolyn sozyp jatyr.
«Olar qazirgi ekonomıkalyq kúızelis qarjy aǵynyn tejeıtin qarjylyq daǵdarysqa aınalatyn ssenarııdiń aldyn alýǵa tyrysýda», deıdi aqsha-kredıt saıasaty salasyndaǵy sarapshy.
Sondaı-aq sarapshy 2007-2008 jylǵy jahandyq qarjylyq daǵdarys ıpotekalyq turǵyn úı kepildigimen baılanysty ekenin eske túsirdi.
«Bizge kómek jańa ekonomıkalyq daǵdarystyń aldyn alý úshin qajet. AQSh úkimeti túshkirse, álemniń ekonomıkasynyń ókpesi derttenedi. Aldyńǵy daǵdarysta AQSh bıligi ekonomıkalyq sharalar qabyldaýǵa jáne indetti birjola toqtatýǵa sonshalyqty mán bermedi. Muny qarapaıym tilmen aıtqanda súıek pen teri arasyndaǵy jel dep baǵalady. Tıisti sharalardy keshiktirýdi búgin qolǵa almasaq amerıkalyqtardyń qarǵysyna ushyraımyz. Sebebi buǵan deıingi daǵdarysty qazirgi daǵdaryspen salystyrýǵa bolmaıdy. Biz AQSh tarıhynda buryn-sońdy bolmaǵan qıyndyqtarmen betpe-bet turmyz» dep sózin túıindedi Stefanı Segal.