2012 jylǵy 7 jeltoqsan, Astana qalasy
Medısınalyq qyzmetke lısenzııa berý, qaıta resimdeý, lısenzııanyń telnusqasyn berý elektrondyq memlekettik qyzmet kórsetýdiń reglamentin bekitý týraly
«Aqparattandyrý týraly» Qazaqstan Respýblıkasynyń 2007 jylǵy 11 qańtardaǵy Zańynyń 29-babyna, «Elektrondyq memlekettik qyzmettiń úlgi reglamentin bekitý týraly» Qazaqstan Respýblıkasy Úkimetiniń 2010 jylǵy 26 qazandaǵy №1116 qaýlysyna sáıkes buıyramyn: 1. Qosa berilip otyrǵan «Medısınalyq qyzmetke lısenzııa berý, qaıta resimdeý, lısenzııanyń telnusqasyn berý» elektrondyq memlekettik qyzmet reglamenti bekitilsin. 2. Qazaqstan Respýblıkasy Densaýlyq saqtaý mınıstrligi Medısınalyq jáne farmasevtıkalyq qyzmetti baqylaý komıteti (D.S.Esimov): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty memlekettik tirkeýden ótkennen keıin Qazaqstan Respýblıkasy Densaýlyq saqtaý mınıstrliginiń ınternet-resýrsynda ornalastyrýdy qamtamasyz etsin. 3. Qazaqstan Respýblıkasy Densaýlyq saqtaý mınıstrliginiń Zań qyzmeti departamenti (J.J.Danaeva) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin zańnamada belgilengen tártippen buqaralyq aqparat quraldarynda resmı jarııalanýyn qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý vıse-mınıstri E.Á.Baıjúnisovke júktelsin. 5. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý mınıstri S.QAIYRBEKOVA.
Qazaqstan Respýblıkasy Densaýlyq saqtaý mınıstriniń2012 jylǵy 7 jeltoqsandaǵy № 848 buıryǵymen bekitilgen
«Medısınalyq qyzmetke lısenzııany berý, qaıta resimdeý, lısenzııanyń telnusqasyn berý» elektrondyq memlekettik qyzmet reglamenti
1.Jalpy erejeler 1. Elektrondyq memlekettik qyzmetti Qazaqstan Respýblıkasy Densaýlyq saqtaý mınıstrliginiń Medısınalyq jáne farmasevtıkalyq qyzmetti baqylaý komıtettiń aýmaqtyq bólimsheleri, Qazaqstan Respýblıkasy Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti jáne onyń aýmaqtyq bólimsheleri (budan ári – qyzmet berýshiler) balamaly negizde Halyqqa qyzmet kórsetý ortalyqtary (budan ári – Ortalyq), sondaı-aq «elektrondyq úkimet» www.e.gov.kz veb-portaly nemese «E-lısenzııalaý» www.elicense.kz veb-portaly arqyly (budan ári – EÚP) kórsetedi. 2. Elektrondyq memlekettik qyzmet (budan ári – memelekettik qyzmet) «Medısınalyq qyzmet salasyndaǵy memlekettik qyzmet standarttaryn bekitý týraly» Qazaqstan Respýblıkasy Úkimetiniń 2012 jylǵy 10 qyrkúıektegi № 1173 qaýlysymen bekitilgen «Medısınalyq qyzmetke lısenzııany berý, qaıta resimdeý, lısenzııanyń telnusqasyn berý» memlekettik qyzmet standartynyń (budan ári – standart) negizinde kórsetiledi. 3. Elektrondyq memlekettik qyzmettiń avtomattandyrylý deńgeıi: ishinara avtomattandyrylǵan (medıa-bólikteri bar elektrondyq memlekettik qyzmet). 4. Memlekettik qyzmet kórsetý túrleri: tranzaksııaly. 5. Osy reglamentte paıdalanylatyn túsinikter men qysqartýlar: 1) aqparattyq júıe (AJ) - apparattyq-baǵdarlamalyq keshendi paıdalana otyryp saqtaý, óńdeý, izdeý, taratý, berýge jáne usyný úshin arnalǵan júıe; 2) «E-lısenzııalaý» veb-portaly (budan ári – «E-lısenzııalaý» MDQ AJ) – berilgen, qaıta resimdelgen, toqtata turylǵan, qaıta jańǵyrtylǵan jáne qoldanylýy toqtatylǵan lısenzııalar, sondaı-aq lısenzıar beretin lısenzııanyń sáıkestendirý nómirin ortalyqtandyryp qalyptastyratyn qyzmettiń lısenzııalanatyn túrin (kishi túrin) júzege asyratyn lısenzıat fılıaldary, ókildikteri (obektileri, pýnktteri, ýchaskeleri) týraly málimetterdi qamtıtyn aqparattyq júıe; 3) «elektrondyq úkimet» shlıýzi (budan ári – EÚSh) - elektrondyq qyzmetti iske asyrý sheńberinde «elektrondyq úkimet» aqparattyq júıesin yqpaldastyrý úshin arnalǵan aqparattyq júıe; 4) «elektrondyq úkimet» tólem shlıýzi (budan ári – EÚTSh) - jeke jáne zańdy tulǵalardyń tólemderin júzege asyrý kezinde ekinshi deńgeıli bankterdiń banktik operasııalardyń jekelegen túrin júzege asyratyn, uıymdardyń jáne «elektrondyq úkimettiń» aqparattyq júıeleriniń arasyndaǵy ózara is-qımyldy qamtamasyz etý úshin arnalǵan avtomattandyrylǵan aqparattyq júıe; 5) «Jeke tulǵalar» memlekettik derekqory (budan ári – JT MDQ) - aqparatty avtomattandyrylǵan jınaý, saqtaý jáne óńdeý úsh