Koronavırýstyń budan ári taralýynyń aldyn alý maqsatynda 2020 jyldyń 21 naýryzynan bastap Almaty qalasy aýmaǵyndaǵy barlyq ulttyq saıabaqtar men demalys saıabaqtary ýaqytsha jabylady, dep habarlaıdy qala ákimdiginiń baspasóz qyzmetinen.
Almatylyqtar karantın kezinde Tuńǵysh Prezıdent saıabaǵyna, Ortalyq mádenıet jáne demalys saıabaǵyna, 28 Panfılovshylar parkine, Family Park, Botanıkalyq baqqa, «Qııal álemi» saıabaǵyna, Almaty zoobaǵyna, Alma-arasan jáne ózge de adam qarasy kóp jınalatyn oryndarǵa barýdan bas tartýlary qajet.
Buryn qalalyq ákimdiktiń sheshimimen Medeý, Shymbulaq, Pıoner, Kók-Tóbe, sonymen qatar, COVID-19 epıdemıologııasynyń turaqtanýyna deıin Almaty men Almaty aglomerasııasyna ishki týrızm boıynsha týrlar men ekskýrsııalar ótkizetin týrıstik uıymdardyń qyzmeti toqtatylatyndyǵy habarlanǵan bolatyn.
Sondaı-aq, Týrızm basqarmasy týroperatorlarǵa koronavırýs tirkelgen qaýipti sanattaǵy elderge qatynaıtyn jáne sol elderden bizge keletin týrlardy ýaqytsha toqtatý týraly usynys bildirgen bolatyn. COVID-19 budan ári taralýynyń aldyn alý maqsatynda adam kóp jınalatyn oryndardaǵy saqtyq sharalaryn qatań qadaǵalaý týraly nusqaýlyqtar taratyldy.
ALMATY