Anglııa jerinde jynystyq qatynas jasaý úshin áıelge tıisti degen aıyp taǵylǵan Qazaqstan quramasynyń taekvondoshysy Azamat Teńizbaev Londonnyń aranıy mekemesinde bir aı otyrǵannan keıin, qulyp astynan kepildik tóleý arqyly shyǵaryldy. Bul týraly búgin Vesti.kz tilshisi habarlady.
Tamyzdyń 23-inde atalǵan is boıynsha qazaqstandyq sportshyny sot aldynda birinshi ret tyńdaı júrgizildi. Osy jerde jańa qorǵaýshylar Teńizbaev aǵylshyn tilin bilmegendikten, óz kinásin moıyndaý jónindegi túsindirmege qol qoıyp jibergen degendi dáleldep bere aldy. Osyǵan baılanysty zańgerler
Qazaqstandyq jigitti kepildikpen bosata turý týraly usynys berdi. Sot usynysty qanaǵattandyrdy.
Azamat kelesi tyńdaýǵa deıin Londonǵa arnaıy kelgen anasy Jazıra Tileshovamen birge tura turady. Al endigi tyńdaý 5 qyrkúıek kúni ótedi.
Eske sala keteıik, Azamat Teńizbaevtyń basynan keshken bul oqıǵa Qazaqstan quramasy Meksıkadan kele jatqan jolda bolyp edi. Ushaq jolaı Londonǵa qonǵan kezde, 19 jastaǵy jasóspirimdi polıseıler qamaýǵa aldy. Sóıtse, reıstegi jolaýshy áıelderdiń biri onyń ústinen shaǵym jaza qoıypty. Ulybrıtanııa azamatshasynyń jazýynsha, qazaqstandyq bozbala oǵan ushaq ústinde tıisken kórinedi.
Sultan Bozaıǵyr.