Búginde bul elde koronavırýsqa shaldyqqandar sany 500-ge jetken. Korol Salman ben Abdel Azız Al Saýd búginnen bastap úsh aptaǵa komendant saǵatyn engizý jaıynda ókim shyǵardy.
Qala kóshelerinde 21 kún 19:00-den tańǵy 6:00-ge deıin júrýge tyıym salyndy. Eldegi jaǵdaıdy baqylaý ishki ister mınıstrligine júkteldi. Bul aralyqta azamattyq qorǵanys, strategııalyq nysandardyń qyzmketkerleri, áskerıler, jýrnalıster, densaýlyq saqtaý salasy mamandary óz jumys oryndarynda bolýy qajet.
Koronavırýspen kúres barysynda sheteldikter úshin naýryz aıynyń basynda qajylyqpen qatar barlyq kóńil kóterý sharalary, sammıtter men konferensııalar, al 15 naýryzdan áýe tasymaly toqtatylǵan bolatyn. Sondaı-aq 17 naýryzdan meshitterdegi bes ýaqyt namaz da toqtatyldy.