Brıtandyq ǵalym SARS-CoV-2 koronavırýsynyń ǵaryshtan kelý múmkindigine oraı boljamdaryn jarııa etti.
Ulybrıtanııanyń Kardıffsk ýnıversıtetiniń ekzobıology Chandra Vıkramasıngh vırýstyń ótken jyly kúz aıynda Qytaı aýmaǵynda jarylǵan aspan denesinen jerge túsý múmkindigi týraly boljamdaryn aıtty. Jańa gıpotezada koronavırýs jarylǵan meteorıttiń ishinde bolýy múmkin.
Koronavırýs jaıyndaǵy alǵashqy boljamdarda jarqanattar men basqa da jabaıy janýarlardan taralý múmkindigi aıtylsa, keıinnen onyń jasandy túrde taralýy jaıyndaǵy málimetter de aıtylǵany belgili.Al AQSh ǵalymdary vırýstyń tabıǵı evolıýsııa barysynda paıda bolǵandyǵyn aıtady. Ǵalymdardyń boljamyna sáıkes vırýs adam aǵzasynan tys damyǵanjáne de janýardan juqqan vırýs adam aǵzasyna túskende qaýipti túrge aınalǵan.
Kúrdeli respıratorly COVID-19 ınfeksııasyna shaldyqtyratyn SARS-CoV-2 koronavırýsynyń basqa planetadan kelgendigin reseılik ǵalym, Medısına bıologııalyq ınstıtýtynyń bólim meńgerýshisi V.Ilın de quptap otyrǵandyǵy aıtylady, mk.ruderekterinde. Alaıda, oǵan naqty dálelder keltirý úshin vırýs tárizdi DNQ-nyń ǵaryshta uzaq ýaqyt qozǵalysy barysynda sıntezdelý múmkindigi zerttelýiqajet. Ǵalymnyń aıtýynsha, mundaı zertteýler 2023-2024 jyldary júrgiziledi. Iаǵnı, orbıtaǵa «Bıon-M»№ 2 ǵylymı apparaty ushyrylyp, syrtyna meteorıt tárizdi shuńqyrly tastar ornatylady. Al oǵan qondyrylǵan bakterııalar men birqatar hımııalyq zattar óte joǵary temperatýrada ózgerý múmkindigibaqylanatyn bolady. Osy zertteý negizinde vırýstyń ǵaryshtan jerge kelý boljamdary tekseriletin bolady.
MMÝ vırýsologııa jáne bıologııa kafedrasynyń professory A.Agranovskıı bul boljam meılinshe shyndyqpen janaıspaıdy degen pikirin bildire kele Vıkramasıngh teorııasynyń azdap shyndyqpen úılesetin tustary bar ekendigin aıtady. Ǵalymnyń paıymdaýynsha, koronavırýs jer betine ǵaryshtan ushyp kelgenimen, adamdarǵa janýarlar arqyly taralǵan.