Bul týraly Aqparat jáne qoǵamdyq damý mınıstri Dáýren Abaev Ortalyq kommýnıkasııalar qyzmetindegi brıfıngte málimdedi.
«Ortalyqtyń jumysy úsh baǵyt boıynsha júrgiziledi. Birinshi - jalǵan aqparattardy taýyp, teriske shyǵarý. Ekinshi - ortalyq memlekettik organdardyń aqparattyq jumysyn úılestirý, bolǵan jaǵdaılarda birlesip, jedel áreket etý. Úshinshi - Coronavirus2020.kz saıtynyń jumysyn júrgizý», - dedi ol.
Sondaı-aq qazir jýrnalıster men azamattardan kelip túsip jatqan suraqtardyń basym kópshiligi Prezıdent Qasym-Jomart Toqaevtyń tapsyrmalarynyń iske asyrylýyna qatysty. Osy rette búgin Premer-Mınıstrdiń tóraǵalyǵymen Úkimettiń otyrysy ótti. Barlyq mınıstrler men ákimder keshe Prezıdent bergen tapsyrmalardy oryndaý boıynsha jol kartalaryn jasaıdy. Osyǵan oraı barshańyzdan túsinistik tanytyp, Úkimettiń naqty tetikteriniń jarııalanýyn kútýdi surady.