Shtab qyzmetkerleri kúndelikti 24-saǵat boıy COVID-19 boıynsha qolaısyz elderden kelgen azamattarǵa qońyraý shalý jáne monıtorıngteý jumystaryn júrgizip, monıtorıng anyqtaıdy.
Bul jumys toby aǵymdaǵy jyldyń 16-shy naýryz kúni Elimizde engizilgen tótenshe jaǵdaıǵa baılanysty kúsheıtilgen rejımde jumys atqarýda. Shtab músheleriniń monıtorıng jumystary arqasynda shet elden keletin azamattardy der kezinde densaýlyq jaǵdaıyn anyqtaý jáne aldyn alý is sharalary qarqyndy júrgizilýde.
Shtab qyzmetkerleriniń tarapynan Qazaqstan Respýblıkasy Bas memlekettik sanıtarııalyq dárigeriniń 2020 jylǵy 22 naýryzdaǵy №26 qaýlysyna sáıkes 1 A, 1 B, sanattaǵy elderden kelgen azamattardy provızorlyq stasıonardaǵy karantındi, úıdegi karantındik oqshaýlaýdy jáne medısınalyq baqylaýdyń monıtorıngisin júrgizedi. Qaladaǵy barlyq medısınalyq uıymdar bul baǵytta kúsheıtilgen rejımde jumys atqarýda.
Shymkent qalasy densaýlyq saqtaý salasy boıynsha suraqtaryńyz bolsa 39-33-47 jáne 1406 nómiri boıynsha biryńǵaı Call-center habarlasýǵa bolady. Al eger Sizde nemese Sizdiń týystaryńyzda tamaqtyń aýyrsynýy, qyzba, álsizdik belgileri baıqalsa shuǵyl túrde «103» qyzmetine habarlasý qajettigin eskertemiz. Bul óz kezeginde sizdiń jáne sizdiń jaqyndaryńyzdyń densaýlyǵyn qorǵaýǵa septigin tıgizedi.