Qaraǵandy oblystyq dene shynyqtyrý jáne sport basqarmasy #antivirus chellendjin iske qosty.Munyń mánisi mynada: qazirgi tańda oqshaýlaný jaǵdaıyna baılanysty óńirdegi sport zaldary jabyq, basseınder men fıtnes-klýbtar jumys istemeıdi.
Mine osy olqylyqtyń orynyn toltyrý maqsatynda qaraǵandylyq sportshylar úıde júrip-aq kún saıyn jattyǵý jasaýdy qolǵa aldy.
Oblystyq dene shynyqtyrý jáne sport basqarmasynyń basshysy Temirhan Abylaev aldaǵy ýaqytta apta saıyn áleýmettik jelilerde sportshylardyń úı tapsyrmalaryn oryndaýyboıynsha túsirilgen beıne rolıkterdi jarııalap turýǵa sheshim qabyldaǵandyqtaryn habarlady.
– Oblys sport mektepteriniń tárbıelenýshileri jattyǵýdy tek zaldarda, basseınderde jáne manejderde ǵana emes, úıde de jalǵastyrady.Jattyqtyrýshylar kún saıyn olarǵa tapsyrmalar beredi. Al tárbıelenýshiler óz tálimgerlerine beıneesepterin jiberip otyrady. Jas sportshylardyń úı jattyǵýlaryn jasaýǵa erekshe qulshynyspenkiriskeni qýantady, – deıdi ol.
Qazirdiń ózinde #antivirus chellendjin Rıo-de-Janeıro-2016 Olımpıadasynyń qatysýshylary,mánerlep júzýden halyqaralyq dárejedegi sport sheberleri Aleksandra jáne Ekaterına Nemıch, bokstan Qazaqstan Ulttyq qurama komandasynyń múshesi, álem chempıonatynyń qola júldegeri, Tokıo-2021 Olımpıadasynyń lısenzııasyn jeńip alǵan Abylaıhan Júsipov, qaraǵandylyq jas hokkeıshiler men velosport mektebiniń tárbıelenýshileri qoldady.
Bul jobany dene shynyqtyrý jáne sport basqarmasy «Saryarqa-Qaraǵandy» telearnasymen birge júzege asyrady. Beıne rolıkterde Qaraǵandy oblysynyń belgili sportshylary turǵyndarǵa sporttyń ár túri boıynsha jattyǵý tásilderin kórsetedi. Mysaly, sporttyq akrobatıka boıynsha álem chempıondary Anastasııa Dolgonıýk jáne Nıkıta Amoskın onlaın-jattyǵý ótkizse, kúshtik gımnastıkadan sporttyq akrobatıkadan Álem kýbogynyń ıegerleri Danıel Dıl men Vadım Shýlıar kómekke keledi. Sondaı-aq, aǵa býyn ókilderi jeńil atletıkadan Azııa chempıondary Mahabbat Komkova men Tatıana Mýntıanmen birge vırtýaldy túrde jattyǵa alady.
Budan bólek, joba aıasynda Jazǵy Olımpıadadodasynda óner kórsetýden úmitker sportshylardyń qatysýymen suhbattar men ańdatpalyq rolıkter ázirleý josparda bar.
Atalǵan beıne rolıkterdi áleýmettik jeliler boıynsha, mysaly oblystyq dene shynyqtyrý jáne sport basqarmasynyń ınstagramdaǵy https://instagram.com/karsportregion?igshid=1jls02iex3hlp paraqshasy arqyly da tamashalaýǵa bolady.
«Biz ár sport mektebiniń úı jumystarynoryndaý jónindegi beıne rolıkterin tótenshe jaǵdaı aıaqtalǵanǵa deıin nyq senim men erik-jiger jáne rýhkúshin qoldaý maqstaynda taratamyz. Denderińiz saý bolsyn jáne sportpen aınalysyńyzdar!», delingen Qaraǵandy oblystyq dene shynyqtyrý jáne sport basqarmasynyń Facebook-tegi resmı paraqshasynda.