109 nomerine habarlasyp, azyq-túlikke tapsyrys berýge bolady degen aqparat jalǵan. Bul týraly «Habar 24» telearnasynyń tikeleı efırinen Aqparat jáne qoǵamdyq damý mınıstri Dáýren Abaev habarlady.
Keshe ǵana men Prezıdent tapsyrmasy boıynsha tegin azyq-túlik jıyntyǵy týraly aqparat jarııa etken bolatynmyn. Ony azamattardyń 4 sanaty ala alatynyn eske salǵym keledi. Birinshi sanat - ataýly áleýmettik kómek alatyn az qamtylǵan otbasylardyń 6 jastan joǵary balalary. 2, 3, 4-sanat - karantındik aımaqta turatyn azamattar. Naqty aıtqanda, AÁK alatyn otbasylardyń barlyq eresek múshesi, onyń ishinde kópbalaly otbasylar, barlyq jastaǵy 1 jáne 2-toptaǵy múgedekter men múgedek balalar, múgedek balanyń kútimimen otyrǵan ata-analar» dedi mınıstr.
Sonymen qatar ol qazir ártúrli messendjerde 109 nomerine habarlasyp, azyq-túlikke tapsyrys berýge bolady degen habar tarap jatqanyn aıtty.
«Bul - jalǵan aqparat. Ony jasaǵan adamdar tabylady jáne zańǵa sáıkes jazalanady» dedi D.Abaev.