Memleket basshysy Qasym-Jomart Toqaev halyqty karantın talaptaryn qatań saqtaýǵa shaqyrdy. Bul týraly Prezıdent óziniń tvıtter paraqshasynda jazdy.
«Azamattardy karantın talaptaryn qatań saqtaýǵa shaqyramyn. Sary ýaıymǵa salynýǵa bolmaıdy. Kóńilimiz kóterińki bolyp, jarqyn bolashaqqa senýimiz kerek. Basty toılarymyz áli alda. Koronavırýsqa shaldyqqandarǵa qajetti em jasalady. Azamattarǵa, bızneske materıaldyq qoldaý kórsetiledi», - dep jazdy Qasym-Jomart Toqaev Twitter paraqshasynda.
Eske sala keteıik, búgin Qazaqstan Prezıdenti Ulttyq bıotehnologııa ortalyǵynda bolyp, koronavırýsty az ýaqytta anyqtaıtyn test júıesimen tanysty.