Medısınalyq maskalardy óndirý arnaıy ruqsattardyń bolýyn talap etpeıdi dep habarlady Aqparat jáne qoǵamdyq damý mınıstri Dáýren Abaev "Habar 24" arnasynda bolǵan brıfıngte.
Sonymen qatar ol maskalardy óndirý men satý tirkeýdi jáne lısenzııany talap etpeıtinin atap ótti.
"Bul medısınalyq ónim bolyp sanalmaıdy jáne tehreglamentke qaıshy emes. Maskalardy óndirý jáne satý lısenzııanyń bolýyn talap etpeıdi. О́nimniń bul túri medısınalyq buıym emes" dedi mınıstr.
Buǵan deıin Qarjy monıtorıngi komıteti eldiń 12 óńirinde medısınalyq maskalardy qymbattatyp satqan 17 oqıǵa tirkelgenin atap ótken. Barlyǵy úsh mıllıonǵa jýyq (2 932 019 dana) medısınalyq maska tárkilengen, olar densaýlyq saqtaý mekemelerine berildi.