Búgin Nur-Sultan qalasy ákimdiginde ótken brıfıngte Taýarlar men kórsetiletin qyzmetter sapasy men qaýipsizdigin baqylaý basqarmasynyń basshysy Zeken Isakov elordada medısınalyq maskalar men vırýsqa qarsy dári-dármekti qaıdan alýǵa bolatyny týraly aıtty dep habarlaıdy elorda ákimdiginiń saıty.
«Basqarma qaladaǵy dárihanalarda medısınalyq maskalar, tumaýǵa qarsy dári-dármekter men antıseptıkterdiń bolýyn jiti baqylaýda ustaýda. Qadaǵalaý nátıjeleri basqarmanyń Facebook paraqshasynda únemi jańartylyp otyrady. Qazirgi ýaqytta vırýsqa qarsy dári-dármekter men maskalardy kelesi uımdardan ala alasyzdar.Olar «Ińkár» JShS, «Aqnıet» JShS, «Naýza Adel» JShS, «Salamat», «Eýrofarma», «Alfamed»,- dedi Z. Isakov.
Budan bólek, koronavırýs ınfeksııasyn juqtyrǵan azamattarmen jaqyn baılanysta bolǵan, shuǵyl aýrýhanaǵa jatyzylýy tıis adamdardy anyqtaý boıynsha barlyq qajetti sharalar qabyldanýda.
«Jaqyn baılanys týraly málimet berýdi bultartý boıynsha 1 derek tirkelip, materıal qalalyq polısııa basqarmasyna jiberildi. Oǵan qatysty qylmystyq is qozǵaldy»,-dep túıindedi Z. Isakov.