Avtomobılderdiń salondary ǵana emes, jolaýshy da, júrgizýshi de ustaýy múmkin jerlerdiń barlyǵy sanıtarlyq tazalaýdan ótedi, dep habarlaıdy elorda ákimdiginiń resmı saıty.
«Tótenshe jaǵdaıǵa baılanysty qazirgi tańda qalada karantın jarııalandy. Biz buny quptaımyz. Parkterdiń barlyǵy avtomobılderdi kún saıyn dezınfeksııalaýdan ótkizý, júrgizýshilerdiń antıseptıkalyq quraldardy qoldanýy, salondaǵy tutqalardy, jolaýshylarǵa arnalǵan oryndardy súrtýi qajettigi jaıynda eskertildi. Sondaı-aq, júrgizýshilerdiń maska taǵyp júrýi kerektigi aıtyldy», – dep túsindirdi Nur-Sultan qalasy Kólik tasymaly qaýymdastyǵynyń atqarýshy dırektory Sáken Hanhojın.
Onyń aıtýynsha, elordadaǵy resmı taksıdiń suranysyna qaramastan júrý quny ózgermegen. Avtomobılder táýlik boıy qyzmet kórsetedi. Nur-Sultan qalasy Kólik tasymaly qaýymdastyǵynyń janynda 13 resmı taksopark bar. Taksoparkterdegi kólikterdiń jalpy sany 600-diń shamasynda.