Pekın medısınalyq ýnıversıteti aýrýhanasynyń farmasevti Van Haıın koronavırýstan qorǵaný úshin maska taǵyp, qoldy sabyndap jýý jetkiliksiz ekenin aıtady.
Ol «Hýansıý shıbao» basylymyna bergen suhbatynda vırýs eń aldymen tynys alý júıeleri arqyly ishke enetinin, sondyqtan muryndy shaıý –aýrýdan qorǵanýdyń basty sharty ekenin eskertti. «Muryn qýysynda kóptegen shyryshty qabat bólikteri bar, onda nebir mıkroorganızmder, vırýstar jınaqtalady, sol sebepti syrttan oralǵanda mindetti túrde muryndy shaıý kerek» deıdi medqyzmetker.
Muryndy shaıýǵa qaınaǵan jyly sý jetkilikti. Biraq tym sýyq jáne tym ystyq sý murynnyń shyryshty qabatyn titirkendirip, onyń qorǵanys qabiletin tómendetedi.
Keıbireýler dárihanadaǵy tuzdy sýdy da paıdalanady. Qytaı mamanynyń aıtýynsha, tumaýdyń alǵashqy belgileri bar jáne sozylmaly rınıtpen aýyratyn adamdar ǵana tuzdy sýdy paıdalanǵan jón.
Qymbat TOQTAMURAT