Shymkent qalasynyń ýchaskelik ınspektory kámeletke tolmaǵan jaıaý júrginshini qaǵyp ketken avtokólikti tapty.
2020 jyldyń 26 naýryzynda №9 ýchaskelik tirek pýnktiniń ýchakelik ınspektory Nurbol Qaldyuly Tórequlov kórshi ákimshilik ýchaskede – Qursaı shaǵynaýdanynda bolǵan jol–kólik oqıǵasy týraly habarlama aldy.
Bul ákimshilik ýchaskede ol buryn tórt jyldan astam qyzmet atqarǵan (2015-2019 jyldarda), sondyqtan ol jerdi jaqsy biledi.
Júrgizýshi “Opel-Vektra” markaly avtokóligin basqara otyryp, kámeletke tolmaǵan jaıaý júrginshini qaǵyp ketip, oqıǵa ornynan izin sýytqan. Nátıjesinde kámelet jasqa tolmaǵan jaıaý júrginshi qaıtys boldy. Ýchaskelik ınspektor tez arada atalǵan avtokólikti izdestirýge kirisip, jedel-izdestirý is-sharalaryn júrgizý barysynda atalǵan JKO-na qatysy bar avtokólik pen onyń júrgizýshisin izin sýytpaı anyqtady.
Jaıt boıynsha QR Qylmystyq kodeksiniń 345-baby (avtomobıldi, trolleıbýsty, tramvaıdy nemese basqa da mehanıkalyq kólik quralyn júrgizýshi adamnyń jol qozǵalysy nemese kólik quraldaryn paıdalaný erejelerin buzýy abaısyzda adam ólimine alyp kelgen) jáne 347-baby (jol-kólik oqıǵasy bolǵan jerden ketip qalý) boıynsha sotqa deıingi tergeý bastaldy.
Avtokólik aıyp turaǵyna salyndy. Is boıynsha sotqa deıingi tergep-tekserý qala prokýratýrasynyń baqylaýynda tur. QR QPK-niń 201-babyna sáıkes sotqa deıingi tergep-tekserý barysy jarııa etilmeıdi.